Vakeel saab : వకీల్ సాబ్ నుంచి ఎప్పుడెప్పుడు ఏ సర్ప్రైజెస్ వస్తాయా అని మెగా ఫ్యాన్స్ తో పాటు ప్రేక్షకులు ఎంతగానో ఎదురు చూస్తున్నారు. అంటే ఒకరకంగా ప్రమోషన్స్ లో స్పీడ్ ఎప్పుడు పెంచుతారన్నదే ఆ ఆతృతకి కారణం. ఎందుకంటే వకీల్ సాబ్ రిలీజ్ డేట్ ని ఇప్పటికే మేకర్స్ వెల్లడించేశారు. ఏప్రిల్ 9 న వకీల్ సాబ్ భారీ ఎత్తున రిలీజ్ కాబోతోంది. ఇక ఈ సినిమా పవన్ కళ్యాణ్ రీ ఎంట్రీ సినిమా అన్న సంగతి తెల్సిందే. ప్రస్తుతం వకీల్ సాబ్ పోస్ట్ ప్రొడక్షన్ వర్క్ కూడా దాదాపుగా పూర్తి చేసినట్టు లేటెస్ట్ అప్డేట్. ఇక ఈ సినిమా విడుదల తేదీ దగ్గర పడుతుండటం తో ప్రమోషన్ కార్యక్రమాలు మొదలు పెట్టేందుకు మేకర్స్ రెడీ అవుతున్నారు.
ఈ సినిమాలో పవన్ కళ్యాణ్ కి జంటగా శృతి హాసన్ నటించింది. ముఖ్య పాత్రల్లో నివేదా థామస్, అంజలి, అనన్య నాగళ్ళ, ప్రకాష్ రాజ్, సీనియర్ నరేష్ కనిపించబోతున్నారు. ఇక పవన్ కళ్యాణ్ లాయర్ గా అదరగొట్టబోతున్నాడు. ఇప్పటికే వకీల్ సాబ్ నుంచి రిలీజ్ అయిన టీజర్ లో కోర్టులో వాదించడము తెలుసు కోటు తీసి కొట్టడము తెలుసు అన్న డైలాగ్ తో సినిమా ఎలా ఉండబోతుందో చెప్పారు. బాలీవుడ్ లో సూపర్ హిట్ అయిన పింక్ సినిమాకి అఫీషియల్ గా తెలుగులో రీమేక్ చేశారు. హిందీలో అమితాబ్ బచ్చన్ పోషించిన పాత్రలో పవన్ కళ్యాణ్ కనిపించబోతుండటం విశేషం.
Vakeel saab : వకీల్ సాబ్ పవన్ కళ్యాణ్ – శృతి హాసన్ లకి సంబంధించి రొమాంటిక్ మాంటేజ్ సాంగ్ అని తెలుస్తోంది.
కాగా ఈ సినిమా నుంచి ఇప్పటికే వచ్చిన మగువా మగువా అన్న లిరికల్ సాంగ్ ప్రేక్షకులను విపరీతంగా ఆకట్టుకుంది. అయితే ఈ సినిమా నుంచి మళ్ళీ ఎలాంటి సాంగ్ రిలీజ్ కాలేదు. దాంతో వకీల్ సాబ్ షూటింగ్ కంప్లీట్ అయినప్పటి నుంచి సాంగ్స్ రిలీజ్ చేస్తే బావుటుందని ఫ్యాన్స్ అనుకుంటున్నారు. ఈ క్రమంలో ఈనెల లో ఉన్న స్పెషల్ డే ఫిబ్రవరి 14 వాలెంటైన్స్ డే సందర్భంగా వకీల్ సాబ్ నుంచి మరొక సాంగ్ రిలీజ్ చేయబోతున్నట్టు లేటెస్ట్ అప్డేట్. ఈ విషయాన్ని స్వయంగా మ్యూజిక్ డైరెక్టర్ సోషల్ మీడియా ద్వారా వెల్లడించాడు. దాంతో పవర్ స్టార్ ఫ్యాన్స్ లో ఎగ్జైట్మెంట్ పెరిగిపోయింది. అయితే ఆ రోజు రిలీజయ్యేది పవన్ కళ్యాణ్ – శృతి హాసన్ లకి సంబంధించి రొమాంటిక్ మాంటేజ్ సాంగ్ అని తెలుస్తోంది.