Vakeel saab : పవర్ స్టార్ పవన్ కళ్యాణ్ సినిమా అంటే నెల రోజుల ముందు నుంచే ప్రతీ ఒక్కరిలో ఆతృత ఎంతగా పెరుగుతుందో చెప్పడం అసాధ్యం. సినిమా ఇండస్ట్రీలో ఉన్న హీరోలు.. దర్శక, నిర్మాతలే ఆయనకి ఫ్యాన్స్ అంటే పవర్ స్టార్ క్రేజ్ ఎలా ఉంటుందో చెప్పలేము. ఇక పవన్ కళ్యాణ్ సినిమా టాక్ తో సంబంధం లేకుండా బాక్సాఫీస్ వద్ద రికార్డులు బద్దలు కొడుతుంటుంది. మూడేళ్ళ క్రితం వచ్చిన ‘అజ్ఞాతవాసి’ డిజాస్టర్ సినిమాకి భారీ ఓపెనింగ్స్ వచ్చాయంటే అది పవర్ స్టార్ స్టామినా. కాగా దాదాపు మూడేళ్ల తర్వాత పవన్ రీ ఎంట్రీ ఇచ్చిన ‘వకీల్ సాబ్’ ప్రీమియర్ షోస్ నుంచే పాజిటివ్ టాక్ తో నడుస్తోంది.
ఈ శుక్రవారం ప్రపంచవ్యాప్తంగా భారీ స్థాయిలో రిలీజైన వకీల్ సాబ్ తెలుగు రాష్ట్రాలతో పాటు ఓవర్సీస్ లోనూ కళ్ళు బైర్లు కమ్మే కలెక్షన్లు రాబడుతోందని ట్రేడ్ వర్గాలు చెబుతున్నాయి. పవన్ కెరీర్లో ఫస్ట్ డే ఎక్కువ వసూళ్ళు రాబట్టిన సినిమా వకీల్ సాబ్ అని చెప్పుకుంటున్నారు. కోవిడ్ లాక్ డౌన్ తర్వాత టాలీవుడ్ లో భారీ ఓపెనింగ్స్ రాబట్టిన సినిమాగా ‘వకీల్ సాబ్’ నిలవడం గొప్ప విషయం. ఇక ఈ కలెక్షన్స్ మరో రేంజ్లో రాబట్టడానికి మరో ఆరు రోజులు వకీల్ సాబ్కి కలిసి రావడం పెద్ద ప్లస్ పాయింట్.
Vakeel saab : త్వరలో రాబోతున్న పాన్ ఇండియన్ సినిమాలకి వకీల్ సాబ్ సవాల్ విసిరినట్టే..?
ఈ క్రమంలో ఏప్రిల్ 23 వరకు మరో కొత్త సినిమా లేదు కాబట్టి ‘వకీల్ సాబ్’ మంచి వసూళ్లు సాధించి ‘వసూల్ సాబ్’ గా నిలిచే అవకాశాలు మెండుగా ఉన్నాయంటున్నారు విశ్లేషకులు. ‘వకీల్ సాబ్’ యూఎస్ఏ లో 260కి పైగా లొకేషన్లలో విడుదల చేయగా.. ప్రీమియర్ల ద్వారా ఏకంగా 3 లక్షల డాలర్ల కలెక్షన్స్ వచ్చినట్లు వార్తలు వస్తున్నాయి. ఇప్పటి వరకు అక్కడ 4 లక్షల డాలర్లు వసూళ్లయ్యాయని తెలుస్తోంది. అలానే ఆస్ట్రేలియాలో 55 లొకేషన్స్ లో విడుదలైన ఈ చిత్రం 84.07 లక్షలు రాబట్టింది. అంతేకాదు న్యూజిలాండ్ లో కూడా 13 లొకేషన్స్ లో 5.61 లక్షలు వసూలు చేసినట్లు ట్రేడ్ అనలిస్ట్ తరణ్ ఆదర్శ్ వెల్లడించారు. ఈ రకంగా చూస్తే త్వరలో రాబోతున్న పాన్ ఇండియన్ సినిమాలకి వకీల్ సాబ్ సవాల్ విసిరినట్టే అని మాట్లాడుకుంటున్నారు.