Vakeel saab: పవర్ స్టార్ పవన్ కళ్యాణ్ అంటే ప్రపంచ వ్యాప్తంగా ఎంతటి క్రేజ్ ఉందో అందరికీ తెలిసిందే. బాక్సాఫీస్ వద్ద పవర్ స్టార్ సినిమా రిలీజ్ అంటే ఉండే కోలాహలం అసాధారణం. అయితే రాజకీయాల్లోకి వెళ్ళిన పవన్ కళ్యాణ్ ఇక సినిమాలు చేయడం లేదనే మాట చెప్పగానే అందరిలో కలిగిన అలజడి ఏంటో తెలిసిందే. కానీ, పవన్ కళ్యాణ్ రాజకీయాలలో రాణిస్తున్నా సినిమాలు మాత్రం చేయాల్సిందే అంటూ అభిమానులే కాదు ఇండస్ట్రీలోని వారు పట్టుపట్టారు. దాంతో ఆయన మళ్ళీ సినిమాలను ఒప్పుకోక తప్పలేదు.
ఎట్టకేలకి మూడేళ్ళ గ్యాప్ తర్వాత వకీల్ సాబ్ సినిమాతో వచ్చారు పవన్ కళ్యాణ్. అయితే ఈ సినిమా బాలీవుడ్ సూపర్ హిట్ పింక్ మూవీ రీమేక్ కావడంతో కొందరిలో పెద్దగా అంచనాలు లేవు. పైగా ఈ సినిమాను అప్పటికే తమిళంలో అజిత్ ప్రధాన పాత్రలో నేర్కొండ పార్వైగానూ రూపొందించారు. ఇలా సౌత్ అండ్ నార్త్లలోను రెండు ప్రధాన భాషలలో అదే కథ వచ్చేసేసరికి ఇక తెలుగులో ఎవరు చూస్తారనే గట్టి వాదనా వినిపించింది. కానీ, ఇది పవర్ స్టార్ సినిమా..ఎన్ని భాషలలో వచ్చినా ఆయన మేనియా మరో లెవల్.
Vakeel saab: మోస్ట్ ట్వీటెడ్ సినిమాల లిస్ట్లో వకీల్ సాబ్ 5వ స్థానంలో నిలిచింది.
అందుకే వకీల్ సాబ్ అని టైటిల్ ప్రకటించినప్పటి నుంచి పోస్టర్స్, టీజర్, ట్రైలర్, సాంగ్స్తో అంచనాలు అమాంతం పెరిగిపోయాయి. సినిమా రిలీజ్ అయ్యాక పెద్ద హిట్ సాధించింది. ఇక ఈ ఏడాది మోస్ట్ ట్వీటెడ్ సినిమాల లిస్ట్లో వకీల్ సాబ్ 5వ స్థానంలో నిలిచింది. మిగతా నాలుగు స్థానాలలో తమిళ చిత్రాలు నిలిచాయి. తెలుగు నుంచి వకీల్ సాబ్ ఒక్కటే ఈ లిస్ట్లో చేరడంతో మెగా అభిమానులతో పాటు ఇండస్ట్రీలోని ప్రముఖులు హర్షం వ్యక్తం చేస్తున్నారు. కాగా పవన్ కళ్యాణ్ ఇప్పుడు భీమ్లా నాయక్ సినిమాను ప్రేక్షకుల ముందుకు తీసుకురానున్నారు.