Vastu Tips: చాలా మంది ఆర్ధిక ఇబ్బందులతో సతమతవుతుంటారు. చేతిలో డబ్బులు లేక ఇబ్బందులు పడుతుంటారు. వ్యాపారంలో లాభాలు వస్తున్నా అవి ఏదో రూపంలో ఖర్చు అయిపోయి అవసరానికి డబ్బులు సర్దుబాటు కాని పరిస్థితులు ఏర్పడుతుంటాయి. అయితే వీళ్లు తమ ఆర్ధిక పరిస్థితి నుండి బయటపడేందుకు ఆలయాల చుట్టూ ప్రదక్షిణలు చేస్తుంటారు. భగవంతుడిపై భారం వేస్తూ ఉంటారు. అయితే ఇటువంటి వాళ్ల కోసం వాస్తు నిపుణలు పలు సూచనలు చేస్తున్నారు. అలా ఇబ్బందులు పడుతున్న వారు వారి నివాసంలో ఈ రకమైన మొక్కలు పెంచితే వారి కష్టాలు దూరమవుతాయని చెబుతున్నారు.ఇళ్లలో కొన్ని రకాల మొక్కలు ఉంటే పాజిటివ్ వైబ్రేషన్స్ వస్తాయి. నెగిటివ్ ఎనర్జీ దూరమవుతుంది. మానసిక ప్రశాంతత పెరుగుతుంది. ఎప్పుడు ఉత్సాహంగా ఉంటారు. ఎటువంటి రకాల మొక్కలు పెంచుకోవాలంటే..
మనీ ప్లాంట్: మనీ ప్లాంట్ అందరికీ తెలిసిన మొక్కే. ఇలా మంది ఇళ్లల్లో ఇది చూస్తునే ఉంటాం. ఈ మొక్క ఇంట్లో ఉంటే ఆ ఇంటి యజమాని ఏ వ్యాపారం చేసినా కలిసి వస్తుందనీ, లాభాలు ఉంటాయని అంటుంటారు.
లక్కీ బాంబో.. ఈ మొక్కను చాలా మంది అలంకరణ కోసం పెంచుకుంటారు. ఈ మొక్క ఇంట్లో ఉంటే చాలా అందంగా కనిపిస్తుంది. ఇళ్లతో పాటు కార్యాలయాల్లోనూ ఈ మొక్కను పెంచుతుంటారు.
స్నేహ్ ప్లాంట్... ఈ మొక్క కూడా ఇళ్లు, కార్యాలయాల్లో, ఎక్కువగా కనిపిస్తుంటుంది. స్నేక్ ప్లాంట్ గాలిని శుద్ధి చేస్తుంది. రోడ్డు పక్కన ఇళ్లు ఉన్న వాళ్లు ఈ మొక్కను పెంచుకోవడం వల్ల గాలిలోని కాలుష్యాన్ని ఇది శుద్ది చేసి కాలుష్యం తగ్గిస్తుంది. మరో విశేషం ఏమిటంటే స్నేక్ ప్లాంట్ ఇళ్లలో ఉంటే వారికి ఆర్ధిక సమస్యలు ఉండవని చాలా మంది నమ్మిక.
ఎరికా పామ్ మొక్క.. ఇది చాలా అందంగా ఉంటుంది. బుల్లి కొబ్బరి చెట్టులా కనిపిస్తుంది. ఇది ఇంట్లో ఏమూలనైనా పెట్టుకోవచ్చు. ఈ మొక్క ఉంటే ఇంట్లో పాజిటివ్ ఎనర్జీ వస్తుందని అంటారు.
జడే ప్లాంట్ ... గుండ్రటి ఆకులు, లావు కాండంతో చూడటానికి ఆకర్షనీయంగా ఈ మొక్క ఉంటుంది. ఇంట్లో ఇది ఉంటే అన్నీ శుభాలే కలుగుతాయట, ఈ మొక్కను పెంచడానికి ఎక్కువ శ్రద్ద పెట్టాల్సిన పని లేదు. కుండీలో అప్పుడప్పుడు నీళ్లు పోస్తే చాలు.
