Ram charan : మెగా పవర్ స్టార్ రాం చరణ్ తండ్రి మెగాస్టార్ చిరంజీవి కోసం సొంత నిర్మాణ సంస్థ కొణిదెల ప్రొడక్షన్స్ ని స్థాపించి ఖైదీ నంబర్ 150, సైరా నిర్మించారు. ఇప్పుడు ఆచార్య సినిమాను నిర్మిస్తున్నారు. అయితే బయట హీరోలతోనూ సినిమాలు నిర్మించే సన్నాహాలు చేస్తున్నారు. ఈ క్రమంలోనే కొన్ని మీడియం బడ్జెట్ సినిమాలను ప్లాన్ చేస్తున్నాడు. ఒకవైపు రాజమౌళి దర్శకత్వంలో ఆర్ఆర్ఆర్ సినిమా చేస్తున్నాడు. క్రియేటివ్ జీనియస్ శంకర్ దర్శకత్వంలో ఓ పాన్ ఇండియన్ సినిమా చేస్తున్నాడు.
ఇలా భారీ బడ్జెట్తో నిర్మిస్తున్న పాన్ ఇండియన్ సినిమాలు చేస్తూనే నిర్మాతగాను పలు ప్రాజెక్ట్స్ చేసేందుకు ప్లాన్ చేస్తున్నాడు. ఇందులో భాగంగా రెండేళ్ళ క్రితం మలయాళంలో వచ్చి సూపర్ హిట్ గా నిలిచిన డ్రైవింగ్ లైసెన్స్ సినిమా రైట్స్ కొన్నాడు చరణ్. ఈ సినిమాలో ఎవరు నటిస్తారనే విషయంలో ఇన్నాళ్ళు ఓ క్లారిటీ లేకుండా ఉంది. కాగా తాజాగా ఒక న్యూస్ సోషల్ మీడియాలో వైరల్ అవుతోంది. ఈ సినిమాలో విక్టరీ వెంకటేష్ నటించే అవకాశాలున్నాయని అంటున్నారు.
Ram charan : ‘డ్రైవింగ్ లైసెన్స్’ వెంకటేష్ – రవితేజలతో చరణ్ ప్లాన్ చేస్తున్నాడట.
మలయాళంలో పృథ్వీరాజ్ – సూరజ్ ప్రధాన పాత్రలతో తెరకెక్కిన డ్రైవింగ్ లైసెన్స్ ఇక్కడ వెంకటేష్ – మాస్ మహారాజ రవితేజలతో చరణ్ ప్లాన్ చేస్తున్నాడట. వెంకటేష్ ఇప్పటికే నారప్ప, దృశ్యం 2 సినిమాలు పూర్తి చేశారు. త్వరలో ఈ రెండు సినిమాలు రిలీజ్ కానున్నాయి. అలాగే ఎఫ్ 3 చేస్తున్నాడు. ఈ సినిమా తర్వాత చరణ్ బ్యానర్ లో సినిమా చేస్తాడని సమాచారం. ఇక రవితేజ ఖిలాడి దాదాపు పూర్తిచేశాడు. ఈ సినిమా తర్వాత కొత్త సినిమాను సెట్స్ మీదకి తీసుకు రాబోతున్నాడు. ఈ క్రమంలోనే చరణ్ బ్యానర్ లో నటించేందుకు గ్రీన్ సిగ్నల్ ఇచ్చాడట. చూడాలి మరి ఈ ప్రాజెక్ట్ కి సంబంధించిన అఫీషియల్ కన్ఫర్మేషన్ ఎప్పుడు వస్తుందో.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!