Video Viral: ఓ వృద్ధుడు రైలు పట్టాలు దాటుతుండగా వేగంగా రైలు వచ్చేసింది..రైల్వే స్టేషన్లో అందరూ ఒక్కసారిగా కేకలు వేశారు. ఆ వృద్ధుడు పట్టాలు దాటలేకపోయాడు, అతను రైలు ఇంజను కింద పడిపోయాడు. ఆ తరువాత ఆ వృద్దుడు క్షేమంగా ఉండటంతో అందరూ ఒక్కసారిగా ఊపిరిపీల్చుకున్నారు. లోకో పైలట్ ప్రమాదాన్ని ముందుగా పసిగట్టి ఎమర్జెన్సీ బ్రేక్ వేయడంతో ఆ వృద్దుడికి ప్రాణాపాయం తప్పింది. స్వల్ప గాయాలతో బయటపడ్డారు. ఈ వీడియో సోషల్ మీడియాలో వైరల్ కావడంతో నెటిజన్ లు లోకో పైలట్ కు హాట్సాఫ్ చెబుతూ కామెంట్స్ పెడుతున్నారు.
విషయంలోకి వెళితే…ముంబయిలోని కల్యాణ్ ఏరియా రైల్వే స్టేషన్ లో ఓ వృద్ధుడు రైలు పట్టాలు దాడుతుండగా ఫ్లాట్ ఫామ్ మీదకు రైలు వచ్చేసింది. రైల్వే స్టేషన్ లో ఉన్న ప్రయాణీకులు పట్టాలు దాటుతున్న వృద్ధుడిని చూసి కేకలు వేయడంతో లోకో పైలట్ వెంటనే స్పందించి ఎమర్జన్సీ బ్రేక్ వేశాడు. అప్పటికే ఆ వృద్ధుడు రైలు ఇంజన్ కింద పడిపోయాడు. వెంటనే రైల్వే సిబ్బంది, లోకో పైలట్ రైలు ఇంజన్ కింద పడిన వృద్ధుడిని నెమ్మదిగా బయటకు తీసి ఫ్లాట్ ఫారమ్ మీదకు చేర్చారు. వృద్ధుడు క్షేమంగా బయటపడటంతో అక్కడ ఉన్న వారంతా సంతోషం వ్యక్తం చేశారు. లోకో పైలట్ ను అభినందించారు. ఈ వీడియో సోషల్ మీడియాలో వైరల్ అయ్యింది.
ఈ ఘటనపై సెంట్రల్ రైల్వే జీఎం అలోక్ కన్సాల్ స్పందించారు. లోకో పైలట్, అసిస్టెంట్ లోకో పైలట్ తో సహా సీపిడబ్ల్యుఐ (చీఫ్ పర్మినెంట్ వే ఇన్స్ పెక్టర్)లకు రూ.2వేల చొప్పున నగదు బహుమతిని ప్రకటించారు. సమయస్పూర్తిగా వ్యవహరించి వృద్ధుడిని కాపాడటంపై వారిని అభినందించారు.
#WATCH | A senior citizen narrowly escaped death after a locomotive train in Mumbai's Kalyan area applied emergency brakes to save the man as he was crossing the tracks. pic.twitter.com/RwXksT3TCM
— ANI (@ANI) July 18, 2021