Vijay: కోలీవుడ్ స్టార్ హీరో విజయ్ ఆంటోనీ.. నిన్న బోట్ ప్రమాదానికి గురైన విషయం తెలిసిందే. బిచ్చగాడు 2 సినిమా షూటింగ్ మలేషియాలో జరుగుతుండగా.. ఒక బోట్ సీన్ షూట్ చేస్తున్న సమయంలో బోట్ అదుపుతప్పి ఎదురుగా ఉన్న పడవను ఢీకొంది. దీంతో ఒక్కసారిగా విజయ్ ఎగిరి కిందపడడంతో తీవ్ర గాయాలు అయ్యాయి.
విజయ్ ను దగర లోని ఓ ప్రైవేట్ హాస్పిటల్ కి తీసుకు వెళ్ళారు. ఈ విషయం తెలుసుకున్న విజయ్ కుటుంబ సభ్యులు వెంటనే మలేషియా బయల్దేరి వెళ్లి విజయ్ ఆరోగ్య పరిస్థితిని వైద్యులను అడిగి తెలుసుకున్నారు. అక్కడి నుంచి విజయ్ ను చెన్నైకు తీసుకువచ్చినట్లు విజయ్ భార్య ఫాతిమా తెలిపారు. అంతేకాకుండా విజయ్ పరిస్థితి విషమం గా ఉందని కూడా ఆమె తెలిపారు.
ప్రస్తుతం విజయ్ అపస్మారక స్థితిలో ఉన్నాడని.. అతని పళ్ళు విరిగిపోయాయని.. దవడ ఎముక విరిగినట్లు సమచారం. విజయ్ ముఖానికి కూడా గట్టిగా దెబ్బలు తగిలాయని చిత్ర యూనిట్ సభ్యుడు చెప్పారు. దాంతో విజయ్ అభిమానులు ఆందోళన వ్యక్తం చేస్తున్నారు. బిచ్చగాడు సినిమాతో విజయ్ తెలుగు ప్రేక్షకులకు కూడా బాగా దగ్గర అయ్యాడు.. విజయ్ త్వరగా కోలుకోవాలని ఆయన అభిమానులు కోరుకుంటున్నారు. అలాగే ఆయన పేరు మీద ప్రత్యేక పూజలు చేస్తున్నారు.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!