అర్జున్ రెడ్డి సినిమా తో ఓవర్ నైట్ లోనే స్టార్ హీరో అయిపోయాడు విజయ్ దేవరకొండ. సరికొత్త స్టైలిష్ డ్రెస్సు లతోపాటు తన యాటిట్యూడ్ తో తన మాట తీరుతో యూత్ ని ఆకట్టుకోవడంలో ఈ రౌడీ బాయ్ తీరే వేరు. సౌత్ ఇండియా వ్యాప్తంగా అనేక భాషల్లో సినిమాలు చేస్తూ విపరీతమైన ఫ్యాన్ ఫాలోయింగ్ పెంచుకుంటూ పోతున్న విజయ్ దేవరకొండ ప్రస్తుతం పూరి జగన్నాథ్ దర్శకత్వంలో ఫైటర్ అనే సినిమా చేస్తున్నాడు.
గత కొంత కాలం నుండి వరుస ఫ్లాపులతో సతమతమవుతున్న విజయ్ దేవరకొండ ఈ సినిమాతో ఎలాగైనా విజయం సాధించి హిట్ ట్రాక్ ఎక్కాలని రెడీ అవుతున్నాడు. త్వరలోనే ఈ సినిమాకి సంబంధించి షూటింగ్ ప్రారంభం కానుంది. ఇదిలా ఉంటే సోషల్ మీడియాలో అనేక రికార్డులు సాధిస్తున్న విజయ్ దేవరకొండ తాజాగా టోటల్ ఇండియా వైడ్ గా ఓ సరికొత్త రికార్డ్ తన ఖాతాలో వేసుకోవడం ఇప్పుడు ఇండియన్ ఫిల్మ్ ఇండస్ట్రీ లో ఈ వార్త సంచలనం అయింది.
పూర్తి విషయంలోకి వెళితే ఇటీవల ఇండియాలో 30 ఏళ్లలోపు వయసు ఉన్న వివిధ రంగాలకు చెందిన ప్రొఫెషనల్స్ను ఫోర్బ్స్ ఎంపిక చేసింది. ఇందులో విజయ్ దేవరకొండ చోటు దక్కించుకొని సరికొత్త రికార్డు తన ఖాతాలో నమోదు చేసుకున్నాడు. దీంతో ఈ వార్త తెలుసుకుని విజయ్ దేవరకొండ అభిమానులు ఫుల్ హ్యాపీ గా ఫీల్ అవుతున్నారు.