“లైగర్” మానియా స్టార్ట్ అయ్యింది. పూరి జగన్నాథ్ దర్శకత్వంలో తెరకెక్కిన ఈ చిత్రం పాన్ ఇండియా లెవెల్ లో రిలీజ్ అవుతుంది. హీరో విజయ్ దేవరకొండ “లైగర్”లో ఇంటర్నేషనల్ బాక్సర్ గా కనిపిస్తున్నాడు. ఆగస్టు 25వ తారీకు సినిమా ప్రపంచవ్యాప్తంగా విడుదల చేస్తున్నారు. అయితే విడుదల తేదీ దగ్గర పడుతూ ఉండటంతో ఈరోజు ఉదయం “లైగర్” ట్రైలర్ ల రిలీజ్ కార్యక్రమం స్టార్ట్ చేశారు. తెలుగు ట్రైలర్ ని మెగాస్టార్ చిరంజీవి మరియు ప్రభాస్ చేతుల మీదుగా రిలీజ్ అవ్వగా మలయాళం ట్రైలర్ నీ దుల్కర్ సల్మాన్ చేతుల మీదుగా రిలీజ్ చేయడం జరిగింది.
ఈ సందర్భంగా విజయ్ దేవరకొండ హీరో ప్రభాస్ కి బిగ్ థ్యాంక్స్ చెప్పారు. ప్రభాస్ అన్న నీకు పెద్ద బిగ్ థాంక్స్.. అన్ని సోషల్ మీడియాలో తెలియజేశారు. చిరంజీవి సార్ థాంక్యూ సో మచ్ అని విజయ్ కృతజ్ఞతలు తెలిపారు. ఇక దుల్కర్ సల్మాన్ కి కూడా బిగ్ థాంక్స్ చెప్పటం జరిగింది. ఇదిలా ఉంటే ఈ రోజు సాయంత్రం ముంబైలో “లైగర్” హిందీ ట్రైలర్ రిలీజ్ కానుంది. దాదాపు రెండున్నర సంవత్సరాల తర్వాత విజయ్ దేవరకొండ సినిమా రిలీజ్ అవుతున్న నేపథ్యంలో అభిమానులు ఫుల్ జోష్ లో ఉన్నారు. ఇక తెలుగు ట్రైలర్ రిలీజ్ కార్యక్రమం లో డైరెక్టర్ పూరి జగన్నాథ్ మాట్లాడుతూ సినిమా మీరు ఎంత అయితే ఊహించుకుంటారో దానికి ట్రబుల్ త్రిపుల్ గా ఉంటుంది అని అభిమానులకు మాట ఇచ్చారు.
తాజాగా రిలీజ్ అయిన ట్రైలర్ లో విజయ్ దేవరకొండ నీ చాలా డిఫరెంట్ గా పూరి చూపించడం జరిగింది. నత్తివాడిగా సినిమాలో కనిపిస్తున్నాడు. విజయ్ దేవరకొండ కి తల్లి పాత్రగా రమ్యకృష్ణ చేస్తుంది. ట్రైలర్ లో రమ్యకృష్ణ డైలాగులు బట్టి చూస్తే విజయ్ దేవరకొండ అనాధ అన్నట్టు చాలామంది నేటిజెన్ లు భావిస్తున్నారు. పూరి సినిమాలలో చాలావరకు హీరోలు అనాధ పాత్రలలోనే గతంలో కనిపించడంతో… ఈ తరహాలోనే “లైగర్” లో విజయ్ దేవరకొండను చూపిస్తున్నట్లు భావిస్తున్నారు.