Ys Jagan Mohan Reddy : ఆంధ్రప్రదేశ్ రాష్ట్ర ముఖ్యమంత్రిగా వైయస్ జగన్ మోహన్ రెడ్డి Ys Jagan Mohan Reddy పదవీ బాధ్యతలు చేపట్టిన తర్వాత సరిగ్గా స్వాతంత్ర దినోత్సవం నాడు గ్రామ సచివాలయ, వాలంటీర్ల వ్యవస్థను తీసుకు రావటం అందరికీ తెలిసిందే. ప్రభుత్వానికి ప్రజలకు మధ్య వారధిగా ఈ వ్యవస్థ ను ఆధారం చేసుకుని వైయస్ జగన్ దాదాపు రెండు సంవత్సరాలపాటు అద్భుతరీతిలో పాలన అందించడం జరిగింది. ఇదిలా ఉంటే గ్రామ వాలంటీర్ల వ్యవస్థ పట్ల చాలామంది దేశంలో ఇతర రాష్ట్రాల ముఖ్యమంత్రులు అదేవిధంగా ప్రధాని మోడీ సైతం మెచ్చుకున్న సందర్భాలు ఉన్నాయి. ప్రజలు ప్రభుత్వ కార్యాలయాల చుట్టూ తిరగకుండా ప్రభుత్వానికి సంబంధించిన అన్ని పనులు వారి ఇంటికి చేరే రీతిలో వాలంటీర్లు విధులు నిర్వహిస్తూ ఉంటారు.
ఇదిలా ఉంటే తాజాగా సీఎం జగన్ కి ఊహించని రీతిలో గ్రామ వాలంటీర్లు షాక్ ఇచ్చి విజయవాడ ప్రాంతంలో రోడ్డెక్కారు. మేటర్ లోకి వెళ్తే ఆంధ్రప్రదేశ్ గ్రామ వార్డు వాలంటీర్లు జీతాలు పెంచాలని ప్రభుత్వంపై ఒత్తిడి తీసుకువస్తూ ఆందోళనలు నిరసనలు చేపట్టడం జరిగింది. దీంతో విజయవాడ కార్పొరేషన్ కార్యాలయం వద్ద ఉద్రిక్త వాతావరణం చోటు చేసుకుంది. ఈ క్రమంలో పోలీసులకు గ్రామ వాలంటీర్లకు మధ్య తోపులాట జరిగింది. కనీస వేతనం 12000 ఇవ్వాలని ఒత్తిడి తగ్గించాలని డిమాండ్ చేస్తూ మెరుపు సమ్మె పట్టారు. అంతేకాకుండా ఈఎస్ఐ సౌకర్యం కూడా కల్పించాలని ఉద్యోగ భద్రత కల్పించాలంటూ డిమాండ్ చేస్తూ పెద్ద ఎత్తున నిరసనలు చేపట్టారు. ఒక్క విజయవాడలో మాత్రమే కాక ఆంధ్రప్రదేశ్ రాష్ట్ర వ్యాప్తంగా గ్రామ వాలంటీర్లు జీతాలు పెంచాలంటూ డిమాండ్ చేస్తున్నారు. ఎలాంటి టైమింగ్స్ లేకుండా తక్కువ జీతానికి భారీగా శ్రమ పెట్టే రీతిలో ఉద్యోగం ఉన్నట్లు.. కాబట్టి ప్రభుత్వం వెంటనే వాలంటీర్లు చేస్తున్న పనితనాన్ని గుర్తించి తగిన వేతనం అందించాలని డిమాండ్ చేస్తున్నారు.
