girl earning: కొంత మంది చిన్న వయసులోనే కోట్లు సంపాధిస్తూ అందర్నీ ఆశ్చర్యపరుస్తుంటారు. కానీ కొంత మంది ఎంత వయసొచ్చినా కానీ అణా పైసా కూడా సంపాధించరు. వారి వలన ఎటువంటి ప్రయోజనం ఉండదు. ఎంత మంది ఎన్ని రకాలుగా తిట్టినా కానీ ఇటువంటి వారు తమ తీరును మార్చుకోరు. అటువంటి కోవకే చెందుతుంది. ఈ చిచ్చరపిడుగు. ఏకంగా పదేళ్ల వయసులోనే ఏకంగా కోట్ల రూపాయలను సంపాధిస్తూ అందర్నీ ఔరా అనిపిస్తోంది.
10 సంవత్సరాల కర్టిస్..
ఆస్ట్రేలియా కు చెందిన 10 సంవత్సరాల కర్టిస్ బొమ్మల వ్యాపారాన్ని స్థాపించి ఏకంగా కోటీశ్వరురాలిగా మారిపోయింది. 10 సంవత్సరాల చిన్నారి అంటే ఎవరైనా సరే బొమ్మలతో ఆడుకుంటామని మారాం చేస్తారు. కానీ కర్టిస్ మాత్రం బొమ్మల వ్యాపారాన్ని స్థాపించి కోట్లకు పడగలెత్తింది. పిక్సీ తల్లి విషయానికి వస్తే ఆమె ఓ ప్రముఖ కంపెనీలో రిలేషన్స్ మేనేజర్ గా విధులు నిర్వర్తిస్తోంది. ఇంత చిన్న వయసులో ఉన్న పిక్సీ తన తల్లిని తాను స్వయంగా వ్యాపారం చేస్తాను అని చెప్పిందట. ముందుగా ఈ విషయం విన్న తన తల్లి రాక్సీ ముందు ఏదో సరదాగా అంటుందని లైట్ తీసుకుందట. కానీ పిక్సీ అలాగే అడిగేసరికి తాను షాక్ కు గురయ్యానని తల్లి రాక్సీ చెప్పింది.
ఒక్క నెలలోనే కోటి పైన సంపాధించింది…
పిక్సీ స్థాపించిన ఈ వ్యాపారం మూడు పువ్వులు, ఆరు కాయలు అన్నచందగా సాగుతోంది. పోయిన నవంబర్ నెలలోనే పిక్సీ తన వ్యాపారం ద్వారా కోటి రూపాయలకు పైగా ఆర్జించింది. దీంతో పిక్సీ తన సోదరుడికి ఖరీదైన మెర్సిడెస్ బెంజ్ కారును గిఫ్టుగా ఇచ్చింది. ప్రస్తుతం పిక్సీ సిడ్నీలోని ఓ పాఠశాలలో ప్రాథమిక విద్యను అభ్యసిస్తోంది. తన తల్లి రాక్సీ మాట్లాడుతూ.. తనకు 14 సంవత్సరాల వయసులోనే మెక్ డొనాల్డ్స్ సంస్థలో ఉద్యోగం వచ్చిందని కానీ తన కూతురు మాత్రం ఇంత చిన్న వయసులోనే వ్యాపారంలో ఇంత ఎదిగిందని తన సంతోషం వ్యక్తం చేసింది.