బేసిగ్గా రెండురకాల స్టూడెంట్స్ వుంటారు. కస్టపడి చదివి తమకు వచ్చింది మాత్రమే పరీక్షలలో రాసే విద్యార్థులు ఒకరకం అయితే, అసలు ఏమీ చదవకుండా పరీక్షల సమయంలో కాపీ కొట్టి రాసి పాసయ్యేవారు రెండోరకానికి చెందినవారు. సమస్య ఏమిటంటే ఈ రెండోరకానికి చెందినవారే ఎక్కువగా వుంటారు. దాంతో ఉపాధ్యాయులకి ఇలాంటివారి వలన సమస్యగానే ఉంటుంది. ఈ క్రమంలో వారు స్ట్రిక్ట్ గా ఉండి వారిని కాపీకొట్టకుండా చేస్తారు. అయినా మనవాళ్ళ ప్లాన్స్ మాత్రం వేరే లెవల్లో ఉంటాయి. వారు కాపీ కొడుతున్న సంగతి పక్కవారికి తెలియకుండా మరీ కాపీ కొడతారు.
Viral: కాపీ కొట్టకుండా
హైటెక్‌ కాపీయింగ్‌ అనే వర్డ్ ఇలాంటి విద్యార్థుల వలెనే వచ్చింది. ఈ క్రమంలో విద్యార్థులు కాపీ కొట్టకుండా ఉండేందుకు వినూత్నంగా ఆలోచించారు ఓ కాలేజీ యాజమాన్యం. అందులో భాగంగా విద్యార్థుల తలకు రకరకాల వస్తువులను తగిలించి వారిని కాపీ కొట్టకుండా చేస్తున్నారు. వివరాల్లోకి వెళితే, ఫిలిప్పీన్స్‌లోని బికోల్‌ యూనివర్సిటీ ఇంజినీరింగ్‌ కాలేజీకి చెందిన మేరి జోయ్‌ మాండేస్‌ ఆర్టిజ్‌ అనే ప్రొఫెసర్ ఓ వినూత్న ఐడియాను తీసుకువచ్చాడు. దీనిలో భాగంగా.. వస్త్రం, టోపీలు, మాస్క్‌లు, ఎగ్‌ కేస్‌ ఇలా రకరకాల వస్తువులతో తయారు చేసిన టోపీలను ధరించాలని ఆదేశించారు.
ప్రశంసిస్తున్న నెటిజన్లు
ప్రస్తుతం ఇందుకు సంబంధించిన ఫోటోలు సోషల్ మీడియాలో వైరలవుతున్నాయి. విద్యార్థులు మాస్‌ కాపీయింగ్‌కు పాల్పడకుండా ఉండటం కోసం సదరు ప్రొఫెసర్ పెట్టిన కండిషన్‌ని నెటిజన్లు ప్రశంసిస్తున్నారు. ఈ క్రమంలో అనేకమంది కామెంట్లు చేస్తున్నారు. ‘మీరు ఎన్ని చేసినా మీ పప్పులు ఉడకవు’ అని ఓ యూజర్ కొంటెగా కామెంట్ చేస్తే, మరొకరు ‘కాపీ చెయ్యడం వలన నష్టాలు చెప్పి, వారిని మార్చలేగాని ఇలా వారిపట్ల ప్రవర్తించకూడదు’ అని హితోపదేశం చేసాడు. మీరు కూడా ఈ పోస్ట్ చూసి అభిప్రాయాన్ని చెప్పండి.
