Viral video: పెళ్లంటే నూరేళ్ల పంట అనే వారు కొందరైతే..నూరేళ్ల మంట అనే వారు ఉన్నారు. ఒక భార్య, ఇద్దరు పిల్లలతోనే వేగలేక చాలా మంది ఒకరు చాలు అంటూ పిల్లో, పిల్లవాడో పుట్టడంతో కుటుంబ నియంత్రణ శస్త్ర చికిత్సలు చేయించుకుంటున్న రోజులు ఇవి. కానీ ఓ ముసలాయన కాటికి కాలు చాపే వయసులో తన 28మంది భార్యల సమక్షంలో 37వ పెళ్లి చేసుకోవడం ఆశ్చర్యకరమైన వార్తే కదా. ఆయనకు మొత్తం 35 మంది సంతానం కాగా మనవళ్లు, మనుమరాళ్లు కలిపి మొత్తంగా 126 మంది ఉన్నారుట.
ఆ పెద్దాయన 37వ పెళ్లి తంతు వీడియోను నాగాలాండ్ కు చెందిన ఐసీఎస్ అధికారి రుపిన్ శర్మ సోషల్ మీడియాలో పోస్టు చేయగా అది తెగ వైరల్ అయ్యింది. సూటు ధరించిన ఓ ముసలాయన అక్కడి సాంప్రదాయం ప్రకారం వధువు చెవిలో తన ఇష్టాన్ని వ్యక్తం చేయడంతో పెళ్లి తంతు ముగిసింది. ఈ సందర్భంగా ఆ ప్రాంతంలో చప్పట్లు, కేరింతలతో మారుమోగింది. ఈ వీడియో సోషల్ మీడియాలో వైరల్ కావడంతో నెటిజన్ లు రకరకాలుగా స్పందిస్తూ కామెంట్స్ చేస్తున్నారు. మీరు ఈ వీడియో చూసి ఆ నవమన్మధుడి పెళ్లి తంతు చూసి ఆనందించండి.