Viral Video: పోలీసుల ముందే కొట్టుకున్న నర్సు, డాక్టర్ వైరల్ వీడియో..

Viral Video: కరోనా సెకండ్ వేవ్ విలయతాండవం చేస్తోంది.. దేశంలో రోజు రోజుకీ కరోనా కేసుల సంఖ్య పెరుగుతోంది. ఈ నేపథ్యంలో ఆసుపత్రుల్లో చేరే వారి సంఖ్య విపరీతంగా పెరుగుతోంది. ఆసుపత్రుల్లో బెడ్లు, ఆక్సిజన్ కొరత తీవ్రంగా వేధిస్తోంది. ఈ క్రమంలో ఆరోగ్య సిబ్బంది నిరంతరం వైద్య సేవలు అందిస్తున్నారు. వారు రోగులకు సేవలు అందిస్తూ ఒత్తిడిని ఎదుర్కొంటున్నారు. ఈ ఒత్తిడి మధ్య విధులు నిర్వహించడం తలకు మించిన భారంగా మారుతుంది. దీంతో పలు ఆసుపత్రుల్లో డాక్టర్లకు, డాక్టర్లకు మధ్య.. డాక్టర్లకు, నర్సులకు మధ్య గొడవలు జరుగుతున్నాయి. ఒత్తిడిలో సహనం కోల్పోయి ఒకరిపై మరొకరు దూషణలకు దిగడమే కాకుండా.. చేయి చేసుకుంటున్నారు. తాజాగా ఇటువంటి సంఘటన ఉత్తరప్రదేశ్లో చోటు చేసుకుంది.

ఉత్తరప్రదేశ్లోని రాంపూర్ జిల్లా ఆసుపత్రిలో డాక్టర్ కు నర్సుకు మధ్య గొడవ జరిగింది. ఇద్దరూ కూడా ఒకరినొకరు తిట్టుకున్నారు. సహనం కోల్పోయిన నర్సు డాక్టర్ చెంపపై గట్టిగా కొట్టింది. దాంతో ఆమెపై డాక్టర్ దాడికి పాల్పడ్డాడు. ఈ ఘటన సోమవారం పోలీసులు ముందే జరగడం గమనార్హం. వెంటనే రంగంలోకి దిగిన పోలీసులు కేసు నమోదు చేసి దర్యాప్తు చేశారు. రాంపూర్ సిటీ మెజిస్ట్రేట్ రామ్ జీ మిశ్రా కూడా ఘటనపై ఇద్దరిని విడివిడిగా విచారించారు. కొట్లాడుకున్న డాక్టర్, నర్స్ ఇద్దరితో వేరువేరుగా మాట్లాడానని, ఇద్దరూ కూడా పని ఒత్తిడి భారంతోనే తాము సహనం కోల్పోయి ప్రవర్తించామని చెప్పారని వివరించారు. తదుపరి దర్యాప్తు కొనసాగుతోందని తెలిపారు.

#WATCH | A doctor and a nurse entered into a brawl at Rampur District Hospital yesterday.

City Magistrate Ramji Mishra says, "I have spoken to both of them. They say they were under stress and overburdened. We will probe this & speak to both of them."

(Note: Abusive language) pic.twitter.com/XJyoHv4yOh

— ANI UP (@ANINewsUP) April 27, 2021

bharani jella

See Full Bio