Viral Video: భారత దేశ ప్రధాన మంత్రి నరేంద్ర మోడీకి ఖలిస్తాన్ (సిఖ్ ఫర్ జస్టిస్) ఉగ్రవాద సంస్థ నాయకుడు గురుపత్వంత్ సింగ్ పన్ను హెచ్చరిస్తూ విడుదల చేసిన ఓ వీడియో సోషల్ మీడియాలో వైరల్ అవుతుంది. ఇదే తరుణంలో పంజాబ్ లో రోడ్డుపై ప్రధాని నరేంద్ర మోడీ కాన్వాయ్ దాదాపు 20 నిమిషాలు నిలిచిపోవడానికి తామే కారణం అంటూ సిక్కు వేర్పాటువాత సంస్థ ప్రకటించినట్లు తెలిసింది. ప్రధాని పర్యటనలో భద్రతా వైఫల్యాలపై జరుపుతున్న దర్యాప్తును నిలివేయాలంటూ అమెరికా కేంద్రంగా పని చేసే ఖలిస్తానీ అనుకూల వేర్పాటువాద సంస్థ సిక్స్ ఫర్ జస్టిస్ (ఎస్ఎఫ్జే) నుండి అడ్వొకేట్ ఆన్ రికార్డ్ ఆఫ్ సుప్రీం కోర్టు సభ్యులకు బెదిరింపు కాల్స్ వచ్చాయి. ఈ విషయాన్ని న్యాయవాదుల సంఘం ధర్మాసనానికి నివేదించింది. హుస్సానిన్వాలా ఫ్లైఓవర్ పై మోడీ కాన్వాయ్ ను అడ్డుకోవడం వెనుక తమ హస్తం ఉందని పేర్కొన్నారు. 1984 సిక్కు వ్యతిరేక అల్లర్లలో దోషులను శిక్షించడంలో సుప్రీం కోర్టు విఫలమైందని, వేలాది మంది సిక్కు రైతులు చనిపోయినా ఎవరు నోరు మెదపలేదని అలాంటి న్యాయస్థానం దీనిపై విచారణ చేపట్టొద్దని ఫోన్ కాల్ లో హెచ్చరించారని న్యాయవాదుల సంఘం ధర్మాసనానికి లేఖ రేసింది. విచారణ చేపడితే జాతీయ భద్రత, సమగ్రతను దెబ్బతీసే అత్యంత ప్రతికూల చర్యలు ఎదుర్కొంటారని హెచ్చరించినట్లు అందులో పేర్కొన్నారు.
Read More: MLA Prasanna Kumar Reddy: సినిమా వాళ్లు బలిసి కొట్టుకుంటున్నారు
Viral Video: భారతీయులకు మద్దతు ఇచ్చే వారు పంజాబ్ వదిలిపోవాలి
భద్రతా వైఫల్యాల కారణంగా ట్రాఫిక్ జామ్ లో ఇరుక్కొని పంజాబ్ నుండి ప్రదాన మంత్రి నరేంద్ర మోడీ వెనుతిరిగిన తరువాత రోజు సిఖ్ ఫర్ జస్టిస్ ఉగ్రవాద సంస్థ నాయకుడు గురుపత్వంత్ సింగ్ పన్ను విడుదల చేసిన సెల్ఫీ వీడియో సోషల్ మీడియాలో వైరల్ అవుతోంది. జనవరి 5న తిరంగే వాలే (భారతీయులు) పంజాబ్ నుండి ఢిల్లీకి పారిపోయాడని ఖండే మరియు కేస్రీవాలే (సిక్కులు) బలవంతంగా ఖలిస్తాన్ రిఫరెండం ప్రచారం ప్రారంభించారని అన్నారు. భారత ప్రధాని నరేంద్ర మోడీ పంజాబ్ నుండి పారిపోయాడని ప్రగల్బాలు పలికాడు. పంజాబ్ స్వాతంత్రం వైపు మొదటి అడుగులు వేసిందని గురుపత్వంత్ సింగ్ పన్ను అన్నారు. పంజాబ్ ప్రజలు ఈ రోజు తమ నిర్ణయం తీసుకున్నారు. మోదీ మరియు ఆయన ప్రభుత్వం దృష్టి సారించాలని హెచ్చరించారు. భారతీయులకు మద్దతు ఇచ్చే వారు పంజాబ్ వదిలి ఢిల్లీకి పారిపోవాలని గురపత్వంత్ సింగ్ పన్నుఈ వీడియోలో హెచ్చరించారు. సిఖ్ ఫర్ జస్టిస్ నాయకులు ఎప్పటి నుండో ఖలిస్తాన్ కలలు కంటున్నారు.
https://www.instagram.com/p/CYjiEU4lSTJ/