ఈ రోజున భూమికి సూర్యుడికి మధ్య చంద్రుడు అడ్డం రావడం వలన సంపూర్ణ సూర్యగ్రహణం చోటుచేసుకోబోతోంది. అయితే మన దేశంలో కొద్ది రాష్ట్రాల్లోనే సంపూర్ణ సూర్యగ్రహణం చూసే వెసులుబాటు ఉంది. భారత్ లో కేవలం రాజస్థాన్, హర్యానా మరియు ఉత్తరాఖండ్ ప్రజలు మాత్రమే సంపూర్ణ సూర్యగ్రహణాన్ని చూడగలరు మిగిలినవారికి పాక్షిక సూర్యగ్రహణం కనపడనుంది.
ఏదైనా ఎప్పుడో ఒకసారి వచ్చే సూర్యగ్రహణం చూసేందుకు ప్రజలు పడే పాట్లు అన్నీఇన్నీ కావు. అయితే మన ఇంట్లో ఉండే వస్తువులతోనే గ్రహణం చూసేందుకు చిట్కాలను మేము మీకు చెప్పబోతున్నాం.
ఒక అట్ట ముక్క తీసుకుని దాని మీద చిన్న పిన్ హోల్ సైజు లో రంధ్రం చేసి దాన్ని నిటారుగా సూర్యుడి కింద ఉంచిన తర్వాత ఒక తెల్లటి స్క్రీన్ ను సూర్యుడు కింద పెడితే ఆ ఇమేజ్ అట్టముక్క పైన పడుతుంది. ఇక అట్ట ముక్క మరియు స్క్రీన్ కి ఉన్న దూరాన్ని మనం తగ్గించడం లేదా పెంచడం చేస్తే మనకి గ్రహణం పెద్దదిగా లేదా చిన్నదిగా బాగా కనబడుతుంది.
మేకప్ కిట్ లేదా ఆడవారి పర్స్ లోని చిన్న అద్దాన్ని నల్లటి పేపర్ తో పూర్తిగా చుట్టేసి దాని మధ్యలో వచ్చిన పిన్ హోల్ చేసి సూర్య కింద పెట్టి గోడ మీద కు మళ్ళిస్తే సూర్యగ్రహణాన్ని వివిధ రూపాల్లో మనం వీక్షించవచ్చు.
ఇక ఈ ప్రక్రియ అంతా కొంచెం కష్టం అనిపిస్తే…. ఏదో ఒక చెట్టు కింద లేదా పొద యొక్క నీడలో నిల్చొని ఆకులు మధ్యలో నుండి వస్తున్న సూర్యుడిని బాగా గమనించినట్లయితే ఆకుల మధ్య ఉన్న గ్యాప్ మనకి పిన్ హోల్ లాగా పనిచేసి సూర్యగ్రహణాన్ని వాటి నీడలో చాలా చక్కగా కనబరుస్తాయి.