సోషల్ మీడియా దిగ్గజం వాట్సాప్ కోట్లాది మంది అభిమాన్ని చూరగొన్న సంగతి తెలిసిందే. వాట్సప్ను ఫేస్బుక్ కొన్న విషయం తెలిసిందే. ఫేస్బుక్ యాజమాన్యంలోని ఈ మెసేజింగ్ ప్లాట్ఫామ్ ఎప్పటికప్పుడు కొత్త కొత్త ఫీచర్లను తమ యూజర్లకు అందిస్తూనే ఉంది. ఇప్పుడు మరో అదిరిపోయే సరికొత్త ఫీచర్ను తీసుకొచ్చేందుకు వాట్సాప్ ప్రయత్నాలు చేస్తోంది . అవే వాట్సాప్ వెబ్ యూజర్లకు వాయిస్ కాలింగ్, వీడియో కాలింగ్ సౌలభ్యం.
మొబైల్ ఫోన్తో మాత్రమే కాదు…
ఇప్పటి వరకు మొబైల్ వెర్షన్కు మాత్రమే పరిమితం అయిన వాయిస్ కాలింగ్, వీడియో కాలింగ్ త్వరలోనే వాట్సాప్ వెబ్ యూజర్లకు కూడా ఆ సదుపాయాలు అందుబాటులోకి రానున్నాయి. ఇప్పటికే వాట్సాప్ బీటా వెర్షన్ యూజర్లకు ఈ ఫీచర్ను అందుబాటులోకి తీసుకురాగా.. త్వరలోనే అందరు యూజర్లకు కూడా ఈ ఫీచర్ అందుబాటులోకి రానుందని చెబుతున్నారు. ఈ సరికొత్త ఫీచర్ అందుబాటులోకి వస్తే వెబ్ వెర్షన్ యూజర్ల కూడా వాయిస్, వీడియో కాల్స్ చేసుకునే వెసులుబాటు కలగనుంది.
స్టోర్ మేనేజ్మెంట్ పేరుతో ఇప్పటికే …
ఇటీవలే స్టోర్ మేనేజ్మెంట్ అనే ఫీచర్ను వాట్సాప్ తీసుకువచ్చింది. వాట్సాప్లో పంపిన వీడియోలను, ఫొటోలను క్లీన్ చేసుకునేందుకు మరింత సులభతరంగా ఈ ఫీచర్ ఉంది. ఫైల్ సైజ్ను బట్టి విడివిడిగా చూపిస్తుందని, దాని ద్వారా అవసరమైన వాటిని, అనవసరమైన వాటిని వినియోగదారులు త్వరగా గుర్తించగలుగుతారు. అంతేకాకుండా ఒక లేదా చాలా వాటిని డిలీట్ చేయడానికి ముందు ఒకసారి చూసుకునే వెసులుబాటును కల్పిస్తుంది. ఈ ఫీచర్ను ఆన్ చేసుకోవడానికి యాప్లో సెట్టింగ్స్లోకి వెళ్లి స్టోరేజి అండ్ డేటాలో ఈ ఫీచర్ కనిపిస్తుంది. ఇలాంటి ప్రత్యేకమైన ఫీచర్లతో వాట్సాప్ వినియోగదారులకు మరింత చేరువ అవుతోంది.