Raviteja : రవితేజ క్రాక్ సినిమా ఎంత కమర్షియల్ హిట్ సాధించిందో అందరికీ తెలిసిందే. మూడేళ్ళ తర్వాత భారీ హిట్ అందుకున్న రవితేజ మళ్ళీ ఫాం లోకి వచ్చేశాడు. అయితే క్రాక్ సక్సెస్ ఫుల్గా రన్ అవుతున్న క్రమంలో ప్రముఖ నిర్మాత ఆహా ని తెలుగువారికి చేరువ చేసిన అల్లు అరవింద్..ఈ సినిమాని ఆహా లో స్ట్రీమింగ్ కి డేట్ ఫిక్స్ చేసి కూడా బాక్సాఫీస్ వద్ద మంచి కలెక్షన్స్ రాబడుతుండటం తో వారం రోజులు పోస్ట్ పోన్ చేసుకున్నారు. నిజంగా ఈ విషయంలో అల్లు అరవింద్ ని అందరూ మెచ్చుకుంటున్నారు. కానీ అన్ని ఓటీటీ లు ఇలా చేయడం లేదు.
సక్సెస్ ఫుల్గా రన్ అవుతున్న సినిమాలకు ఓటీటీలు అడ్డుపడుతున్నాయి. బాక్సాఫీస్ వద్ద కలెక్సన్స్ కి గండికొడుతున్నాయి. థియేటర్లలో సినిమాలు విజయవంతంగా ప్రదర్శింపబడుతున్నా కూడా ఓటీటీల్లో ఇదే సినిమాలను రిలీజ్ చేసేందుకు రెడీ అవుతున్నారు. రీసెంట్ గా మాస్టర్ సినిమాను అమెజాన్ ప్రైమ్ జనవరి 29 నుంచి స్ట్రీమింగ్ కి తెస్తామని ప్రకటించారు. ఓ వైపు 200 కోట్ల వసూళ్ళు రాబట్టి దూసుకుపోతోన్న మాస్టర్ సినిమాను ఇలా ఓటీటీలోకి తేవడం ఎవరు సహించలేకపోతున్నారు. కోలీవుడ్ స్టార్ హీరో ‘ఇళయ దళపతి’ విజయ్ – ‘మక్కల్ సెల్వన్’ విజయ సేతుపతి నటించిన ‘మాస్టర్’ సంక్రాంతి పండుగ సందర్భంగా జనవరి 13న విడుదలైన సంగతి తెలిసిందే.
Raviteja : విజయ్ తో పాటు అభిమానులు.. ఇండస్ట్రీ వర్గాలు చాలా డిసప్పాయింట్ మెంట్ లో ఉన్నారట.
కాగా ఈ సినిమా తమిళం తో పాటు తెలుగు హిందీ భాషల్లో కూడా భారీ స్థాయిలో రిలీజ్ చేశారు. విజయ్ గత సినిమాల మాదిరిగానే మంచి వసూళ్ళు రాబట్టింది. కోవిడ్ నిబంధనలతో 50 శాతం సీటింగ్ కెపాసిటీతో కూడా రికార్డ్స్ క్రియేట్ చేసింది. మొదటి రెండు వారాల్లోనే ప్రపంచ వ్యాప్తంగా ‘మాస్టర్’ రూ.250 కోట్లకు పైగా కలెక్షన్స్ రాబట్టినట్లు ట్రేడ్ వర్గాలు చెబుతున్నాయి. అయితే విడుదలై 20 రోజులు కూడా కాక ముందే జనవరి 29న ఈ సినిమాని అమెజాన్ ప్రైమ్ లో విడుదల చేశారు. ఈ నిర్ణయం పట్ల విజయ్ తో పాటు అభిమానులు.. ఇండస్ట్రీ వర్గాలు చాలా డిసప్పాయింట్ మెంట్ లో ఉన్నారట.