కొందరు దర్శకులు కెరీర్ ప్రారంభంలో అద్భుతమైన సినిమాలు చేస్తూ స్టార్స్ ని డైరెక్ట్ చేసే అవకాశాలు అందుకుంటున్నారు. దీనివల్ల ఒక్కసారిగా సౌత్ మొత్తం డైరెక్టర్ గా విపరీతమైన పాపులారిటీ దక్కించుకుంటారు. మెగాస్టార్, సూపర్ స్టార్ మహేష్ బాబు, రజనీకాంత్ లాంటి వాళ్ళు పిలిచి మరీ సినిమా ఇస్తారు. కాని అదే ఆ దర్శకుడి జీవితాన్ని ఇబ్బందుల్లో నెట్టేస్తుంది. ప్రస్తుతం కోలీవుడ్ స్టార్ డైరెక్టర్ పరిస్థితి ఇలా ఉందంటున్నారు.
తమిళంలో రమణ సినిమాతో ఒక్కసారిగా స్టార్ డైరెక్టర్ గా మారిపోయాడు ఏ.ఆర్ మురగదాస్. ఈ సినిమానే తెలుగులో మెగాస్టార్ చిరంజీవి ఠాగూర్ గా ప్రేక్షకుల ముందుకు తీసుకు వచ్చాడు. భారీ కమర్షియల్ హిట్ సాధించింది. ఆ తర్వాత సూర్య తో తీసిన గజిని సినిమాతో మరో భారీ సక్సస్ అందుకున్నాడు. దాంతో మెగాస్టార్ ని డైరెక్ట్ చేసే ఛాన్స్ దక్కించుకున్నాడు. స్టాలిన్ అన్న సినిమా తీశాడు. కాని ఆ సినిమా భారీ డిజాస్టర్ గా మిగిలింది.
అంతేకాదు ఇలా భారీ అంచనాలు పెట్టుకున్న మహేష్ బాబు స్పైడర్, ఈ ఏడాది ప్రారంభంలో వచ్చిన సూపర్ స్టార్ రజనీకాంత్ దర్బార్ కూడా భారీ డిజాస్టర్స్ గా మిగిలాయి. వాస్తవంగా మురగదాస్ కెరీర్ లో సంచలన విజయాలే ఎక్కువ. విజయ్ తో కత్తి, తుపాకి, సర్కార్ వంటి బ్లాక్ బస్టర్స్ తీశాడు. కాని రజనీకాంత్ తో తీసిన దర్బార్ మురగదాస్ ని ఇబ్బందుల్లో నెట్టేసింది. ఆ సినిమా తర్వాత మళ్ళీ ఇప్పటి వరకు ప్రాజెక్ట్ సెట్ కాలేదు. మళ్ళీ విజయ్ తోనే ఒక సినిమా ప్లాన్ చేస్తున్నాడని అన్నారు. అలాగే అల్లు అర్జున్ తోను సినిమా చేస్తున్నట్టు వార్తలు వచ్చాయి. కాని ఏ ఒక్కటి ఇప్పుడు పట్టాలెక్కేలా లేవని అంటున్నారు.