Chewing Gum : చిన్న పిల్లలను చూయింగ్ గమ్ తినవద్దని పెద్దలు వారిస్తూ ఉంటారు. మనం చిన్నప్పటి నుంచి చూయింగ్ గమ్ మింగేస్తే అలా జరుగుతుంది ఇలా జరుగుతుంది అని ఎన్నో కథనాలు వినే ఉంటాం. ఈ విషయమై ఎన్నో రకాల అపోహలు ప్రజలలో ఉన్నాయి.
అందులోనూ ముఖ్యంగా చూయింగ్ గమ్ పొరపాటున మింగేస్తే అది కడుపులో పేగులకు చుట్టుకుపోతుందని కడుపులో అలాగే ఉండిపోతుందని పెద్దవాళ్లు చెబుతూ ఉంటారు. ఇలా ఎవరికి తోచిన విధంగా వారు చెప్పి భయపెడుతూ ఉంటారు. ఇంతకీ అసలు చూయింగ్ గమ్ మింగేస్తే ఏం జరుగుతుందో ఎప్పుడైనా ఆలోచించారా??
సాధారణంగా చూయింగ్ గమ్ లు ఎలాస్టిక్ గుణం కలిగి ఉంటాయి కాబట్టి ఇవి త్వరగా అతుక్కుపోతాయి. మనం వాటిని గంటల తరబడి నమిలినా వాటి పరిమాణం లో ఏమాత్రం మార్పు రాకపోవడానికి కారణం అదే. నిజానికి చూయింగ్ గమ్స్ ని మన శరీరం అరిగించుకోలేదు. కానీ చూయింగ్ గమ్ పొట్టలోని చాలా కాలం ఉండిపోతుంది అనేది మాత్రం నిజం కాదు.
మనం తీసుకునే ప్రతి ఆహార పదార్దాన్ని అరిగించేందుకు మన పొట్ట జీర్ణాశయం ఎంజైమ్స్ ను విడుదల చేస్తుంది. ఆ ఎంజైమ్స్ మన పొట్టలోని ఆహారాన్ని అరిగించి పోషకాలుగా మర్చి రక్తంలోకి ప్రవేశింపజేసి శరీరానికి శక్తిని ఇస్తుంది. అలాగే అరగని కొన్ని ఆహార పదార్థాలు పేగుల ద్వారా మలం రూపంలో శరీరంలో నుంచి బయటకు వెళ్లిపోతాయి. సాధారణంగా చూయింగ్ గమ్ ని అరిగించుకునే శక్తి మన శరీరానికి లేకపోవడంతో చూయింగ్ గమ్ మిగిలిన జీర్ణం కాని ఆహారంతో పాటుగా మలం ద్వారా శరీరం నుంచి బయటకు వెళ్లిపోతుంది.
అయితే చూయింగ్ గమ్ కి ఇలా శరీరం నుంచి బైటకు వెళ్లడానికి కేవలం 12 నుంచి 48 గంటల సమయం పడుతుంది.. కొన్ని సందర్భాలలో రోజుల సమయం కూడా పట్టవచ్చు. అంతే తప్ప సంవత్సరాల పాటు చూయింగ్ గమ్ మన శరీరంలో నిల్వ ఉండదు. ఒకవేళ మీరు ఎప్పుడైనా అనుకోకుండా చూయింగ్ గమ్ మింగినట్లైతే ఫైబర్ ఎక్కువగా ఉండే ఆహారం తీసుకుంటే సరి….
