అక్కినేని సమంత మొదటి సినిమా ఏం మాయ చేశావే. ఈ సినిమాలో నాగ చైతన్య హీరోగా నటించిన సంగతి తెలిసిందే. గౌతం వాసు దేవ్ మీనన్ దర్శకత్వంలో వచ్చిన ఈ సినిమా బ్లాక్ బస్టర్ హిట్ గా నిలిచింది. అంతేకాదు ఈ సినిమా సమయంలోనే సమంత, నాగ చైతన్య ప్రేమలో పడి పెళ్ళి చేసుకున్నారు. అన్ని రకాలుగా ఈ సినిమా సమంత. నాగ చైతన్యల చాలా ప్రత్యేకం.
ఇక ఈ సినిమా నుంచి సమంత కి సింగర్ కం డబ్బింగ్ ఆర్టిస్ట్ చిన్నయి శ్రీపాద డబ్బింగ్ చెప్పడం తెలిసిందే. మొదటి సినిమా ఏం మాయ చేశావే నుంచి సమంత గత చిత్రం వరకు దాదాపు అన్నీ సినిమాలకి చిన్మయి నే డబ్బింగ్ చెబుతూ వచ్చింది. అలాంటిది సమంత ఇప్పుడు చిన్మయి కి షాకిచ్చిందని అంటున్నారు. సమంత నటించిన తాజా వెబ్ సిరీస్ ‘ఫ్యామిలీ మ్యాన్ 2’. సమంత చేసిన మొదటి వెబ్ సిరీస్ ‘ది ఫ్యామిలీ మ్యాన్’ సీజన్ 1కు సీక్వెల్ గా వస్తోంది.
ఈ వెబ్ సిరీస్ దర్శక ద్వయం రాజ్ నిడిమోరు – కృష్ణ డీకే తెరకెక్కిస్తున్నారు. ‘ఫ్యామిలీ మ్యాన్’ సీజన్ మంచి ఆదరణని దక్కించుకోవడంతో సీజన్ 2 పై మంచి అంచనాలు ఏర్పడ్డాయి. అంతేకాదు సీజన్ 2 లో స్టార్ హీరోయిన్ సమంత కూడా నటిస్తుండటంతో ఈ వెబ్ సిరీస్ మీద ప్రేక్షకుల్లో ఇంకా పెరిగింది. ఇక ఇప్పటికే తన షూటింగ్ పార్ట్ కంప్లీట్ చేసిన సమంత.. తాజాగా ‘ఫ్యామిలీ మ్యాన్ 2’ వెబ్ సిరీస్ కు డబ్బింగ్ చెప్పడం మొదలు పెట్టింది.
ఈ విషయాన్ని సమంత స్వయంగా డబ్బింగ్ స్టూడియోలో ఉన్న ఫొటోను సొషల్ మీడియాలో ఫ్యాన్స్ తో పంచుకుంటూ వెల్లడించింది. ఇక ఈ మధ్య కాలంలో సమంత నటించే సినిమాలకు తనే స్వయంగా డబ్బింగ్ చెపుతున్న సంగతి తెలిసిందే. ఈ క్రమంలోనే ఈ వెబ్ సిరీస్ కోసం సమంత తెలుగు, తమిళ, హిందీ భాషలో డబ్బింగ్ చెప్తోందని అంటున్నారు. ఇక సమంత ఇప్పటి నుంచి కంప్లీట్ గా తను నటించే సినిమాలకి తనే డబ్బింగ్ చెప్పుకుంటే ఇక చిన్మయికి కష్టమే. ఇది ఒకరకంగా చిన్మయికి షాకే అని అంటున్నారు.
