సింగర్ సునీత ఇటీవల డిజిటల్ రంగంలో బడా పారిశ్రామిక వేత్తగా పేరొందిన రామ్ వీరపనేని తో నిశ్చితార్థం చేసుకున్న సంగతి తెలిసిందే. గతంలోనే సునీత కి మొదటి పెళ్లి జరిగింది. 19 ఏళ్ళ వయసులో జరిగిన పెళ్లి వలన ఇద్దరు సంతానం కలిగిన సునీత భర్త తో విభేదాలతో విడాకులు తీసుకుని తన ఇద్దరు పిల్లల సంరక్షణ చూసుకుంటూ మరోపక్క ఇండస్ట్రీలో రాణిస్తుంది.
సింగర్ గా చాలా మంది అభిమానులను సొంతం చేసుకున్న సునీత.. ఇండస్ట్రీలో చాలామంది టాప్ హీరోయిన్లకు సినిమాలలో వాయిస్ ఇవ్వటం జరిగింది. ఈ నేపథ్యంలో తాజాగా తన ఇద్దరు పిల్లల సంరక్షణలోనే రెండో వివాహానికి రెడీ అయిన సునీత పెళ్లి ఇద్దరి జాతకాల ప్రకారం ఈ డిసెంబర్ 26వ తారీఖున మంచి ముహూర్తం బాగుంది అని ఫిక్స్ చేశారట.
అంత మాత్రమే కాక వచ్చే ఏడాది జనవరి నుండి మే నెల వరకు మంచి ముహూర్తాలు లేకపోవడంతో ఈ ముహూర్తాన్ని ఫైనల్ చేసి వివాహం జరిపించే ఆలోచనలో ఇరు కుటుంబ పెద్దలు ఉన్నట్లు వార్తలు వస్తున్నాయి. అతి తక్కువ గ్యాప్ లోనే నిశ్చితార్థం చేసుకున్న తర్వాత సునీత పెళ్లి డేట్ ఫిక్స్ అవడంతో ఈ వార్త ఇప్పుడు సోషల్ మీడియాలో వైరల్ గా మారింది. అంతమాత్రమే కాకుండా సింగర్ సునీత రెండో పెళ్లి కి చీఫ్ గెస్ట్ లుగా ఇండస్ట్రీలో ఆమెకు దగ్గరగా ఉండే స్నేహితులు అయిన యాంకర్ సుమ, ఝాన్సీ మరో ఇద్దరు బయట స్నేహితులు కేవలం కొద్ది మంది సమక్షంలో ప్రైవేటు కార్యక్రమం తరహాలో ఈ పెళ్లి జరగనున్నట్లు టాక్ వస్తోంది. మొత్తం పెళ్లి వ్యవహారాలన్నీ సునీత ఇద్దరు పిల్లలు దగ్గరుండి చూసుకుంటున్నారట.