మెగా వాకిట్లో పెళ్లి సందడి మొదలైంది అన్న విషయం తెలిసిందే. కొణిదల నాగబాబు కుమార్తె కొణిదెల నిహారిక యొక్క వివాహం జొన్నలగడ్డ చైతన్యతో కుదిరింది. ఇదిలా ఉండగా అసలు జొన్నలగడ్డ చైతన్య…. కొణిదెల వారికి ఎలా పరిచయం? వీరిద్దరి మధ్య సంబంధం కలిపింది ఎవరు? వీరిరువురి కుటుంబాల మధ్య ఉన్న బంధుత్వం ఏమిటి? అన్న విషయాలు తెలుసుకునేందుకు మెగా అభిమానుల తో పాటు సినీ అభిమానుల్లో చాలా మందికి కుతూహలం మొదలైంది. అలాంటి వారికోసమే మా న్యూస్ ఆర్బిట్ ఫుల్ స్టోరీ.
వరుడు చైతన్య అమ్మగారైన జె. పద్మ గారి తండ్రిగారైన గుణ వెంకటరత్నం గారు, చిరంజీవి తండ్రిగారైన కొణిదెల వెంకట రావు గారు అప్పట్లో మంచి ఫ్రెండ్స్. వీరిద్దరూ ఫ్యామిలీ ఫ్రెండ్స్ కావడం వలన జె. పద్మగారి పెళ్ళైన నాటి నుంచే చిరంజీవికి, చైతన్య ఫాదర్ జె. ప్రభాకర్ రావు మధ్య మంచి స్నేహం కుదిరింది. ఎప్పటికప్పుడు టచ్ లో ఉంటూ కుటుంబ బాగోగులు మాట్లాడుకుంటుంటారు చిరంజీవి అండ్ జె. ప్రభాకర్ రావు. కొద్దిరోజుల క్రితం ప్రభాకర్ రావు గారు మాటల్లో మాటగా తన కుమారుడికి పెళ్లి సంబంధాలు చూస్తున్నాను అని చిరుతో అన్నారు. ఆ తర్వాత ఈ విషయం గురించి బాగా ఆలోచించిన చిరంజీవి ఎవరికో ఎందుకు తన కుమార్తె నిహారికని ఇచ్చి చేస్తే అన్ని విధాలా బాగుంటుందని భావించి చిరంజీవినే ఈ పెళ్లి ప్రపోజల్ ని ప్రభాకర్ రావు వద్దకు తీసుకెళ్లారట.
ఇక అన్నయ్య చిరంజీవి ఏది చేసినా కరెక్ట్ గానే ఉంటుందని నమ్మే నాగ బాబు నిహారిక ముందుకు ఈ విషయాన్ని తీసుకొని వెళ్ళగా ఆమె కూడా చైతన్య తో పరిచయం పెంచుకొని.. ఒకరిని ఒకరు అర్థం చేసుకున్న తర్వాత ఇద్దరూ పెండ్లికి పచ్చ జెండా ఊపేశారు.