Pregnancy: స్త్రీలు ప్రెగ్నెంట్ అని తెలియగానే అప్పటివరకు వ్యాయామాలు చేస్తూ స్లిమ్ గా ఉన్నవారు కూడా వాటిని వదిలేస్తారు. కానీ ప్రెగ్నెంట్ గా ఉన్నప్పుడు ఉండాల్సిన బరువు కన్నా అధికంగా పెరిగితే మాత్రం డెలివరీ తర్వాత తగ్గడం అనేది చాలా చాలా కష్టం.
ప్రెగ్నెన్సీ సమయంలో పెరిగిన బరువు తిరిగి తగ్గడానికి చాలా టైం పడుతుంది కూడా. అందుకే ఈ సమయంలో ఎక్కువ బరువు పెరగొద్దు. మూడు నుంచి ఆరు నెలల గర్భంలో బిడ్డ గరిష్ఠంగా అర కిలో నుంచి 2 కిలోల బరువు మాత్రమే పెరుగుతుంది. కాబట్టి ఆ పెరుగుదలకు సరిపడా తింటే సరిపోతుంది.
అంతకు మించి అదనంగా తినేదంతా గర్భిణుల్లో కొవ్వులా పేరుకుని ఇతరత్రా ఆరోగ్య సమస్యలకు కారణమవుతోంది.
గర్భం దాల్చిన మహిళ తొమ్మిది నెలల కాలంలో పెరగాల్సిన శరీర బరువు ప్రతి ఒక్కరికీ ఒకేలా ఉండదు. గర్భం దాల్చినప్పుడు ఒక మహిళ ఎంత బరువుందనే లెక్కను బట్టి పెరగాల్సిన శరీర బరువులో తేడాలుంటాయి.
గర్భిణులు పెరగాల్సిన బరువు గురించి ‘నేషనల్ అకాడమీ ఆఫ్ సైన్సెస్ అండ్ ఇంజనీరింగ్ అండ్ మెడిసిన్ 2009’ కొన్ని మార్గదర్శకాలను సూచించారు. ప్రపంచదేశాలన్నీ వీటినే ఫాలో అవుతున్నాయి. ఆ ప్రమాణాలు ఇలా ఉన్నాయి.
ఉండాల్సిన దాని కంటే తక్కువ బరువు ఉన్నవారు 12 నుంచి 18 కిలోల బరువు పెరగవచ్చు.
బాడీ మాస్ ఇండెక్స్(బిఎమ్ఐ) మాములుగా ఉన్నవాళ్లు 11 నుంచి 16 కిలోల వరకు బరువు పెరగవచ్చు.
బిఎమ్ఐ 20 – 30 ఉండి, అధిక బరువు ఉన్నవాళ్లు మాత్రం 7 – 11 కిలోల బరువు పెరిగితే చాలు.
బిఎమ్ఐ 30 దాటి, ఒబేసిటీ ఉన్నవాళ్లు 5 నుంచి 9 కిలోల బరువే పెరగాలి.
గర్భంలో కవలలు ఉన్నప్పుడు మాత్రం పైన తెలిపిన కొలతలను బట్టి సూచించిన బరువు కంటే అదనంగా మరో 3 – 5 కిలోల బరువు పెరగవచ్చు.