బిగ్ బాస్ హౌస్ లో ఎప్పుడు ఏం జరుగుతుందో ఎవ్వరం ఊహించలేం. ఎవరో ఎలిమనేట్ అవుతారు అనుకుంటాం కానీ.. ఇంకెవరో ఎలిమినేట్ అవుతారు. ఎవరో కెప్టెన్ అవుతారనుకుంటాం.. ఎవరో నామినేషన్స్ లోకి వస్తారనుకుంటాం.. అన్నీ అడియాసలే అవుతాయి.
ఇప్పటికే 9 వారాలు అయిపోయాయి. చివరి దశకు వచ్చేసింది బిగ్ బాస్ షో. అందుకే హౌస్ లో ఇంట్రెస్టింగ్ విషయాలు ఎక్కువగా చోటు చేసుకుంటున్నాయి.
ఇక ఈ ఆదివారం కూడా ఎవరో ఒక కంటెస్టెంట్ ఇంటి నుంచి వెళ్లిపోవాల్సిందే. అయితే ఈ వారం నామినేషన్స్ లో ఉన్నవాళ్లలో అభిజీత్, హారిక, మోనాల్, అమ్మ రాజశేఖర్, అవినాష్.. ఈ ఐదుగురిలో ఎవరు బయటికి వెళ్తారు అనేది మాత్రం ఇంకా సస్పెన్స్ గానే ఉంది.
అయితే… శనివారం ఎపిసోడ్ లో విశ్వనటుడు కమల్ హాసన్… హారికను సేవ్ చేశాడు. ఇక ఇవాళ ఎవరు ఎలిమినేట్ అవుతారో తేలనుంది. అభిజీత్, మోనాల్, అమ్మ రాజశేఖర్, అవినాష్ లో ఎవరో ఒకరు ఎలిమినేట్ కావాలి.
అయితే.. తాజాగా విడుదలైన ప్రోమో చూస్తే మాత్రం ఎక్కడో తేడా కొడుతోంది. అవినాష్ ఎలిమినేట్ అయినట్టుగా చూపించారు. అవినాష్ ఒక్కసారిగా ఎమోషనల్ అయిపోయి.. కింద పడుకొని వెక్కి వెక్కి ఏడ్చాడు. నాగార్జున కూడా ఏం మాట్లాడకుండా అలాగే ఉండిపోయాడు. హౌస్ మెట్స్ కూడా భావోద్వేగానికి లోనయ్యారు.
అసలు.. ఏం జరిగింది అనేది తెలియాలంటే రాత్రి ఎపిసోడ్ చూడాలి. ప్రస్తుతానికైతే దాని ప్రోమోను చూసేయండి..
