లక్ష్మీకళ్యాణం చిత్రంతో తెలుగు తెరకు పరిచయం అయిన కాజల్ అగర్వాల్.. మగధీర చిత్రంతో టాలీవుడ్ చిత్రపరిశ్రమలో తిరుగులేని గుర్తింపుని సొంతం చేసుకుంది. ఇక అప్పటి నుండి కెరీయర్ పరంగా ఎత్తుపల్లాలను చూస్తూ, హీరోయిన్గా పుష్కరకాలం పాటు రాణిస్తూ, అందాలను ఆరబోయడంలో కుర్ర హీరోయిన్స్కు పోటీ ఇవ్వడమే కాకుండా.. అవకాశాలను అందిపుచ్చుకుంటున్న వారిలో ముందుంటుందొ కాజల్. ఇప్పటి వరకు లవ్, రొమాన్స్, ఫ్యామిలీ సినిమాలలో మాత్రమే నటించింది. అయితే పెళ్ళి తర్వాత గ్లామర్ పాత్రలు కాకుండా పర్ఫార్మెన్స్ కు అవకాశం ఉన్న ఓరియెంటెడ్ పాత్రలపై ఫోకస్ చేయబోతుందట ఈ చందమామ.
అయితే ఇప్పటి వరకు కెరీర్లో ఎప్పుడూ టచ్ చేయని హార్రర్ పాత్రలో కాజల్ కనిపించబోతుందని ప్రచారం జరుగుతుంది. అంతే కాకుండా ఇప్పటికే కథ వినడం .. ఓకే చెప్పడం కూడా జరిగిందట. కాగా ఈ హర్రర్ చిత్రంలో కాజల్ తో పాటుగా మరో ముగ్గురు హీరోయిన్లు కూడా నటించబోతున్నారని, ఈ సినిమా కథ ప్రధానంగా నలుగురు అమ్మాయిల మధ్య నడిచే కథగా తెరకెక్కనుందని అంటున్నారు. ఇక త్వరలోనే ఈ సినిమాకు సంబంధించి పూర్తి వివరాలు బయటికి రానున్నాయట. అయితే కాజల్ ఇప్పటి వరకు హార్రర్ జోనర్ కు వెళ్లలేదు.
మధ్యలో కొన్ని ఆఫర్స్ వచ్చినా కూడా నో చెప్పిన ఈ బ్యూటీ పెళ్లితర్వాత తొలిసారి భయపెట్టడానికి వస్తుంది. మొత్తానికి కుమారిగా ఉన్నపుడు కూల్ సినిమాలు చేసి శ్రీమతిగా మారిన తర్వాత నయనతార, సమంతలా మారడానికి ప్రయత్నాలు చేస్తున్నట్లుగా ప్రేక్షకులు మాట్లాడుకుంటున్నారట. ఇక ప్రస్తుతం కాజల్ చేతిలో నాలుగు సినిమాలు ఉన్నాయి. ఇదిలా ఉండగా కాజల్ నటిస్తున్న ఆ హర్రర్ మూవీ గురించి తమిళ మీడియాలో కొత్త వార్తలు వస్తున్నాయి. ఈ హర్రర్ చిత్రంలో కాజల్ రేంజ్ హీరోయిన్స్ కాకున్నా కూడా ఒక మోస్తరు హీరోయిన్స్ ను నటింపచేయడం వల్ల ఆశించిన స్థాయిలో పేరు రాదేమో అనే అనుమానాలు కలుగుతున్నాయట.
మరి ఈ సినిమా ఒప్పుకుని కాజల్ తప్పుచేస్తుందా.. ని కామెంట్స్ వినిపిస్తున్నాయి. అంతేకాదు ప్రస్తుతం ఆచార్య, ఇండియన్ 2, మోసగాళ్ళు లాంటి పాన్ ఇండియన్ సినిమాలతో పాటు బాలీవుడ్ సినిమా కూడా చేస్తున్న కాజల్ కి ఇలా ముగ్గురు నలుగురు హీరోయిన్స్ ఉన్న సినిమా నటించాల్సిన అవసరం ఏముందని మాట్లాడుకుంటున్నట్టు సమాచారం. వాస్తవంగా అయితే ఈ టాక్ కరెక్టే అనాలి. మరి కథలో కాజల్ పాత్రకి బాగా ఇంపార్టెన్స్ ఉండే ఒప్పుకుందా లేకా ఇంకేదైనా కారణమా అన్నది సినిమా రిలీజైతే గాని క్లారిటీ రాదు. చూడాలి మరి ఈ సినిమా అందరి అంచనాలను తలకిందులు చేస్తూ సక్సెస్ సాధిస్తుందేమో.