హైపర్ ఆది అంటేనే ఆటో పంచులకు, సూపర్ ఫాస్ట్ జోకులకు కేరాఫ్ అడ్రస్. ఒక రకంగా చెప్పాలంటే జబర్దస్త్ షో ఇంకా సక్సెస్ ఫుల్ గా రన్ అవుతోందంటే దానికి కారణం హైపర్ ఆదినే. జబర్దస్త్, ఎక్స్ ట్రా జబర్దస్త్ అనే తేడా లేకుండా.. ఆల్ టైమ్ అందరికీ ఫేవరేట్ అయ్యాడు హైపర్ ఆది. మనోడి స్కిట్ చూసి నవ్వని వాళ్లు ఉండరు. పొట్ట చెక్కలయ్యేలా నవ్వుతారు ప్రేక్షకులు.
అందుకే.. జబర్దస్త్ లో హైపర్ ఆదికి ఇచ్చే ప్రాధాన్యత మరెవ్వరికీ ఇవ్వరు. అయితే.. ఈ మధ్య హైపర్ ఆదిలో ఫ్రస్ట్రేషన్ ఎక్కువవుతోందట. దానికి కారణం ఏంటో తెలియదు కానీ.. దాన్ని తన స్కిట్లలో చూపిస్తున్నాడు ఆది.
దానికి ఉదాహరణగా తాజాగా ప్రసారమైన ఎపిసోడ్ నే తీసుకోవచ్చు. తాజాగా ప్రసారమైన ఎపిసోడ్ లో హైపర్ ఆది స్కిట్ లో అస్సలు కామెడీనే లేదు. ఏదో కామెడీ చేద్దామనుకున్నారు. ఎవరో కొత్త అమ్మాయిని తీసుకొచ్చారు. జంటలు అన్నారు. రైజింగ్ రాజు కూడా ఏదో కామెడీ చేయబోయాడు. హైపర్ ఆది తన ఫ్రస్ట్రేషన్ వీళ్ల మీద చూపించబోయాడు కానీ.. స్కిట్ మాత్రం తేలిపోయింది. అస్సలు వర్కవుట్ కాలేదు. హైపర్ ఆది స్కిట్లలో పస ఎందుకో తగ్గుతోంది. అసలు సిసలైన కామెడీ మాత్రం ఉండటం లేదు. ఇంతకుముందు హైపర్ ఆదిలా ఇప్పుడు హైపర్ ఆది లేడు.. అంటూ నెటిజన్లు కూడా చాలా నిరాశ చెందుతున్నారు. హైపర్ ఆది… కమ్ బ్యాక్ విత్ బ్యాంగ్.. మంచి స్కిట్ కొట్టి.. మళ్లీ నీ టాలెంట్ ను బయటపెట్టు.. అంటూ కామెంట్లు చేస్తున్నారు.