ప్రభుత్వ పాఠశాలలో ఏ బాషలో విద్యా బోధన చేయాలన్న అంశంపై ఇప్పటికీ చర్చ కొనసాగుతూనే ఉంది. మాతృభాషలో బోధించాలని కొందరు, ఆంగ్లంలో అయితే ఉద్యోగరీత్యా భవిష్యత్తు బాగుంటుందని కొందరు అంటున్నారు. భాషపై ఇన్ని వివాదాలు జరుగుతుండగా మహారాష్ట్ర లోని ఓ ప్రభుత్వ పాఠశాలల్లోని విద్యార్థులు ఏకంగా జపనీస్ విదేశీ భాషను నేర్చుకుంటున్నారు.
ప్రైవేటు పాఠశాలలో విద్యార్థుల ఎంపిక కోసం, అంతర్జాతీయ పాఠశాలల్లో అడ్మిషన్ల కోసం విదేశీ భాషను నేర్పిస్తున్నారు. కానీ ఏ ప్రభుత్వ పాఠశాలలో ఇలాంటి సదుపాయం లేదు. అయితే మహారాష్ట్రలోని ఔరంగాబాద్ కు 25 కిలోమీటర్ల దూరంలో ఉన్న గాడివాట్ అనే గ్రామంలో జిల్లా పరిషత్ పాఠశాల లోని విద్యార్థులకు అక్కడి పాఠశాల యాజమాన్యం జపనీస్ భాష నేర్పిస్తుంది. ఆ స్కూల్ యాజమాన్యం ౪- 8 విద్యార్థులను ఏదైనా విదేశీ భాషను ఎంచుకోండి అంటే వారందరూ జపనీస్ ఎంచుకున్నారు.
ఔరంగాబాద్ లో ఉన్న అజంతా ఎల్లోరా గుహలను చూడడానికి ఏటా చాలామంది జపనీయులు వస్తూ ఉంటారు. వారికి వారి మాతృభాషలో ఈ చారిత్రక నిర్మాణాల గురించి వివరించేందుకు ఉపయోగపడుతుంది. విద్యార్థులు జపనీస్ నేర్చుకోవడం ద్వారా ఉపాధి అవకాశాలు కూడా ఎక్కువగా ఉంటాయని అంటున్నారు. దీంతో జపనీస్ భాష పండితులతో ఆన్లైన్ తరగతులు ద్వారా విద్యార్థులకు ఈ భాష నేర్పిస్తున్నారు. అక్కడి టీచర్లు కూడా ఈ జపనీస్ నేర్చుకోవడం విశేషం. అయితే ఈ పాఠశాల విద్యార్థులు నేర్చుకోవడం గురించి తెలిసి జపాన్ లో ఉంటున్న ఓ భారతీయ ప్రొఫెసర్ ఈ పాఠశాలలకు మరాఠీ- జపనీస్ డిక్షనరీ లను పంపించారు.విద్యార్థుల భవిష్యత్తు గురించి ఆలోచిస్తున్నా ఈ పాఠశాల ఇతర పాఠశాలలకు మార్గదాయకం.
విద్యార్థులకు విద్య అందించాలన్న లక్ష్యంతో ప్రతి ఏడాది ఈ విదేశీ భాషా కార్యక్రమాన్ని చేపట్టినట్లు స్థానిక జిల్లా విద్యాధికారి తెలిపారు. విద్యార్థులు జపనీస్ నేర్చుకోవడం ద్వారా ఉపాధి అవకాశాలు ఎక్కువగా ఉంటాయి. జపనీయులు ఔరంగాబాద్ లో ఉన్న అజంతా ఎల్లోరా గుహలను చూడడానికి వస్తూ ఉంటారు. వారికి గైడ్గా ఉద్యోగాలు లభించే అవకాశం ఉందని చెబుతున్నారు. అంతేకాదు ఇక్కడి విద్యార్థులు టెక్నాలజీ, రోబోటిక్స్ పై ఆసక్తి చూపుతున్నారు. జపాన్లో ఈ రంగాలకు అధిక ప్రాధాన్యం ఉంది . దీంతో జపనీస్ భాష నేర్చుకుని అక్కడికి వెళ్లి ఆయా రంగాల్లో ఉద్యోగాలు చేస్తామని విద్యార్థులు అంటున్నారు. ఇప్పటికే జపనీస్ నేర్చుకోవడంలో తొలి దశ పూర్తి చేసుకున్న విద్యార్థులు ఆ భాషలో మాట్లాడగలుగుతున్నారు. ప్రస్తుత సమయంలో విద్యార్థులు ఆన్లైన్ క్లాసులకు హాజరు అవుతున్నారు. ఈ పాఠశాల ఇతర పాఠశాలలకు మార్గదర్శకం అనడంలో సందేహం లేదు.