జబర్దస్త్ అనే కాదు.. ఎక్కడైనా రూల్ రూలే. వాళ్లకు ఉన్న బాండ్ ను బ్రేక్ చేసి వెళ్లినప్పుడు మళ్లీ ఆ కంపెనీలోకి రానివ్వరు. జబర్దస్త్ లోనూ అదే జరుగుతోంది. అవినాష్ తన అగ్రిమెంట్ ను బ్రేక్ చేసి డబ్బులు కట్టి మరీ.. బిగ్ బాస్ లోకి వెళ్లాడని వార్తలు వచ్చాయి. జబర్దస్త్ లోకి మళ్లీ నో ఎంట్రీ అని వాళ్లు ఖచ్చితంగా చెప్పేశారట. అయినా కూడా అన్నింటినీ ఎదుర్కొని బిగ్ బాస్ హౌస్ లో అడుగుపెట్టానని అవినాషే స్వయంగా చెప్పాడు.
అయితే.. అంతకుముందు చాలామంది కమెడియన్లు వెళ్లిపోయి.. మళ్లీ తిరిగి వచ్చినా జబర్దస్త్ లోకి తీసుకున్నారు. కొందరు మధ్యలో కొన్ని రోజులు బ్రేక్ తీసుకున్నారు. కానీ.. అవినాష్ కు మాత్రం ఆ చాన్స్ లేదట. కానీ.. జబర్దస్త్ లో ఎంతో కష్టపడి టీమ్ లీడర్ స్థాయికి ఎదిగాడు అవినాష్. ఇప్పుడు వెళ్తే కనీసం కంటెస్టెంట్ గా కూడా తీసుకునే చాన్స్ లేదంటున్నారు.
అయితే.. అవినాష్ ను మళ్లీ జబర్దస్త్ లోకి తీసుకోకపోవడానికి కారణం ఒకే ఒక్క కంటెస్టెంట్ అట. అతడే ఇమ్మాన్యుయేల్. అవును… ప్రస్తుతం ఇమ్మాన్యుయేల్.. జబర్దస్త్ లో టైమింగ్ కామెడీని భలే పంచుతున్నాడు. హైపర్ ఆది తర్వాత అదే గ్రేస్ తో కామెడీని పంచుతోంది అతడే. అందుకే.. ఆయనకు ప్రస్తుతం జబర్దస్త్ లో ఎక్కువ ప్రాధాన్యత ఇస్తున్నారు.
అవినాష్ టీమ్ లో ప్రస్తుతం కార్తీక్ ఒక్కడే ఉన్నాడు. కార్తీక్ తో పాటు ఇమ్మాన్యుయేల్ కూడా బాగానే కామెడీ పండిస్తున్నాడు. కెవ్వు కార్తీక్ టీమ్ లో ఇమ్మాన్యుయేల్ ఉంటే చాలు.. స్కిట్లు అదిరిపోతున్నాయి. దీంతో ఆ టీమ్ లో అవినాష్ అవసరం లేదు. అందుకే.. ఆ టీమ్ ను అలాగే కొనసాగించాలని.. అవినాష్ వస్తే.. మళ్లీ టీమ్ డిస్టర్బ్ అవుతుందని మల్లెమాల ఆలోచిస్తోందట.
బిగ్ బాస్ అయిపోయాక.. అవినాష్ ను అసలు జబర్దస్త్ లోకి తీసుకుంటారా? తీసుకుంటే ఏ టీమ్ లో తీసుకుంటారు? మళ్లీ టీమ్ లీడర్ ను చేస్తారా? లేక కంటెస్టెంట్ గా తీసుకుంటారా? అసలు తీసుకోరా? అనే విషయాలపైన మాత్రం క్లారిటీ రావాల్సి ఉంది.
