ఆలుమగల మధ్య ప్రేమానురాగాలు ఉంటేనే దాంపత్య జీవితం అద్భుతం గా ఉంటుంది. మీ భాగస్వామి మిమ్మల్ని నిజంగా ప్రేమిస్తున్నారా.. లేక తప్పని పరిస్థితులలో మిమ్మల్ని భరిస్తున్నారా అన్న విషయాన్ని తెలుసుకోవడం చాల ముఖ్యం. ఒకవేళ అలా ఉండి ఉంటే ఈ లక్షణాల తో గుర్తుపట్టవచ్చు అని నిపుణులు తెలియచేస్తున్నారు. మీరు కష్టాల్లో ఉన్నప్పుడు, మీకు అవసరమైనప్పుడు మీ భాగస్వామి మీకు అండగా నిలబడటం లేదా?, మీతో ఎక్కువ సమయం గడపటం, మీ ప్రేమను అంగీకరించడం అర్ధం చేసుకోవడం లాంటివి చేయడం లేదా?
మీరు వారి జీవితం లో ముఖ్యమైన వ్యక్తి అని చెప్పటానికి వారు మీకోసం ఎలాంటి పనులు చేయడం లేదా? , మీతో సరదాగా బయటకు రావడం , మీకు నచ్చిన చోటుకు లేదా ప్రత్యేకమైన చోటుకు తీసుకెళ్లడం లేదా?
మీ ప్రవర్తన లో ఏదైనా నచ్చడం లేదని పదే పదే చెబుతున్నారా? , మీరు చేసే ప్రతి పనిలో ఏదో ఒక వంక పెట్టి ప్రతి దానికి మిమల్ని విమర్శిస్తున్నారా?
మనం ఆ విషయంలో ఏమి చేద్దాం? ఈ విషయంలో ఇలా చేద్దాం.. అంటూ ఏమీ ప్లాన్ చేయకుండా.. ఏదైతే అదే అయిందిలే అంటూ మీ మాటల్ని కొట్టిపారేస్తున్నారా?
ముఖ్యంగా మీరు మీభాగస్వామి కోసం ఏం చేసినా, ఎంత చేసినా మిమ్మల్ని గుర్తించడం లేదని మీకు తెలుస్తుందా ? తనకి నచ్చేలా ఉండేందుకు ఎంత ప్రయత్నించినాకొంచెం కూడా మెచ్చుకోవడం లేదా?
మీ అభిప్రాయాలు వినడానికి ఇష్టపడరు, ఒకవేళ విన్నా కూడా అది సరైనది అయినప్పటికీ కూడా .. వాటికి విలువ ఇవ్వకుండా తీసిపడేస్తారు లేదా ఒకపట్టానా అంగీకరించరు. ఇలా జరుగుతున్నట్టయితే కచ్చితంగా మీ భాగస్వామి మిమ్మల్ని భరిస్తున్నట్లే అర్థం.
ప్రతి మనిషికి ప్రేమ, మర్యాద అనేవి చాలా ముఖ్యమైనవి .ఇవి లేకుండా ఇద్దరు వ్యక్తు కలిసి ఉండలేరు. ఒక వేళా అలా జరుగుతుంటే ఈ విషయం గురించి వారితో మాట్లాడి, సమస్యను పరిష్కరించుకోండి.