Wild dog : నాగార్జున అక్కినేని నటించిన లేటెస్ట్ సినిమా వైల్డ్ డాగ్. ఏసిపీ విజయ్ వర్మ గా నటిస్తున్న నాగార్జున టైటిల్ రోల్ లో అత్యంత పవర్ ఫుల్ క్యారెక్టర్ లో కనిపించబోతున్నాడు. డెబ్యూ డైరెక్టర్ అహిషోర్ సాల్మన్ ఈ సినిమాని తెరకెక్కించగా ప్రముఖ నిర్మాణ సంస్థ మ్యాట్నీ ఎంటర్టైన్మెంట్ బ్యానర్పై నిరంజన్ రెడ్డి, అన్వేష్ రెడ్డి సంయుక్తంగా నిర్మించారు. ఈ సినిమా టైటిల్ పోస్టర్ తో పాటు ఫస్ట్ లుక్ రిలీజ్ చేసినప్పటి నుంచే భారీగా అంచనాలు ఏర్పడిన సంగతి తెలిసిందే.
బాలీవుడ్ సీనియర్ హీరోయిన్ దియా మీర్జా నాగార్జున కి జంటగా, మరో సీనియర్ హీరోయిన్ సనాఖాన్ కీలక పాత్రలో నటించారు. ఇక ఈ సినిమా నుంచి మార్చి 12న మెగాస్టార్ చిరంజీవి చేతుల మీదుగా విడుదలైన ట్రైలర్కు అభిమానుల నుంచి, ప్రేక్షకుల నుంచి పాజిటివ్ రెస్పాన్స్ వచ్చి సినిమా మీద మరింతగా అంచనాలు పెంచింది. 10 మిలియన్లకు పైగా వ్యూస్ సాధించిన ట్రైలర్ సంచలనం సృష్టిస్తోంది. ఈ క్రమంలో మేకర్స్ ఈ సినిమా నుంచి తాజాగా మరొక టీజర్ ప్రోమోని విడుదల చేశారు.
Wild dog : వైల్డ్ డాగ్ ఒక పవర్ఫుల్ కథాంశంతో తెరకెక్కినట్లుగా తెలుస్తోంది.
ఈ ప్రోమోలో నాగ్ చెబుతున్న విషయాలను చూస్తుంటే గ్యారెంటీగా వైల్డ్ డాగ్ ప్రతి ఒక్కరూ చూడాల్సిన సినిమా అని అర్థమవుతోంది. అందుకు కారణం మనదేశంలోని కొందరు వ్యక్తుల కోసం.. టెర్రరిస్ట్లను వదిలిపెట్టడం, లేదంటే వాళ్లకి కోట్ల మంది సెక్యూరిటీగా ఉండటం వంటివి.. దేశానికి ఓకేనేమో గానీ.. నాకు మాత్రం నాట్ ఓకే అంటూ.. నాగ్ చెప్పే డైలాగ్తో ఈ సినిమా ఒక పవర్ఫుల్ కథాంశంతో తెరకెక్కినట్లుగా తెలుస్తోంది. కాగా వైల్డ్ డాగ్ సినిమాని వరుస బాంబు దాడులతో దేశంలో టెర్రరిస్టులు మారణకాండ సృష్టించిన యథార్థ సంఘటనల ఆధారంగా రూపొందించారు. ఆ టెర్రరిస్టులను తన టీమ్తో నేషనల్ ఇన్వెస్టిగేషన్ ఏజెన్సీ (ఎన్ఐఏ)లో ఏసీపీగా పనిచేసే విజయ్ వర్మ ఎలా అంతం చేశాడన్న విషయాన్ని సినిమాలో చూడాల్సిందే. కాగా నాగార్జున వైల్డ్ డాగ్ సినిమాని ఏప్రిల్ 2న గ్రాండ్గా రిలీజ్ చేయనున్నారు.