Anand Devarakonda: టాలీవుడ్‌లో రౌడీ హీరోగా అసాధారణమైన ఇమేజ్ సంపాదించుకున్నాడు విజయ్ దేవరకొండ. లైఫ్ ఈజ్ బ్యూటిఫుల్ సినిమాలో అలా కనిపించిన విజయ్ దేవరకొండ ఆ తర్వాత ఎవడే సుబ్రమణ్యం సినిమాలో చేసిన పాత్రతో మంచి గుర్తింపును తెచ్చుకున్నాడు. ఈ సినిమాలో వచ్చిన గుర్తింపుతో ఆయనకి పెళ్ళి చూపులు సినిమాలో అవకాశం దక్కింది. తరుణ్ భాస్కర్ దర్శకత్వంలో వచ్చిన ఈ సినిమాలో తెలుగమ్మాయి రీతూవర్మ హీరోయిన్‌గా నటించింది. పెళ్ళి చూపులు ఎలాంటి అంచనాలు లేకుండా వచ్చి భారీ సక్సెస్ అందుకుంది.
ఈ సినిమాతో విజయ్ దేవరకొండకి మంచి క్రేజే వచ్చింది. ఆ తర్వాత వచ్చిన ద్వారక ఓ మాదిరిగా ఆడినప్పటికీ సందీప్ రెడ్డి వంగ దర్శకత్వంలో వచ్చిన అర్జున్ రెడ్డి సినిమా ఊహించని సంచలనం సృష్ఠించింది. శాలినీ పాండే హీరోయిన్‌గా టాలీవుడ్‌కు పరిచయమైన ఈ సినిమా రిలీజ్‌కు ముందే చిన్న వివాదాలను సృష్ఠించింది. కాంగ్రెస్ లీడర్ వి హనుమంత రావు అర్జున్ రెడ్డి మూవీ పోస్టర్ చూసి సంచలన వ్యాఖ్యలు చేశారు. అప్పట్లో ఇది పెద్ద దుమారం అయింది. అయితే, ఇదే సినిమాకు ప్రమోషన్ జరిగి బాగా హైప్ వచ్చింది. అందరూ ఈ సినిమా గురించే మాట్లాడుకున్నారు.
Anand Devarakonda: విజయ్ తమ్ముడిగానే ఇంకా ఆనంద్‌ను చూస్తున్నారు..!
ఇలా అర్జున్ రెడ్డి సినిమా రిలీజ్‌కు ముందే వార్తల్లో నిలవడం యూత్ ఆడియన్స్‌లో బాగా విజయ్ దేవరకొండకు భారీ స్థాయిలో ఫ్యాన్ ఫాలోయింగ్ పెరిగిపోయింది. ఇక సినిమా రిలీజ్ ముందు నిర్వహించిన ప్రీ రిలీజ్ ఈవెంట్‌లో దర్శక, నిర్మాత తమ్మారెడ్డి భరద్వాజ, నందిని రెడ్డి లాంటి వారు చేసిన ఇంట్రెస్టింగ్ కామెంట్స్, విజయ్ దేవరకొండ మాట్లాడిన విధానం మరింతగా బజ్ క్రియేట్ చేసింది. ఇక అర్జున్ రెడ్డి మూవీ రిలీజయ్యాక ఓ సునామీలాంటి క్రేజ్ విజయ్ దేవరకొండకు వచ్చేసింది. బోల్డ్ సీన్స్ ఉన్నా కూడా అవి కథలో చాలా బలంగా ఉండటంతో అదే సినిమాకు హైలెట్ అయింది. ఈ సినిమాతో ఒక్క టాలీవుడ్‌లో మాత్రమే కాదు బాలీవుడ్‌లో భారీ స్థాయిలో క్రేజ్ దక్కింది.
ఇలాంటి సినిమా ఒకటి ఇప్పుడు విజయ్ దేవరకొండ తమ్ముడు ఆనంద్ దేవరకొండ పడాల్సిందే అని ఫ్యాన్స్ చెప్పుకుంటున్నారు. విజయ్ దేవరకొండ చేసిన పెళ్ళి చూపులు, ద్వారక వంటి క్లాస్ సినిమాలు ఆనంద్ దేవరకొండ చేస్తున్నాడు. మొదటి సినిమా దొరసాని అతనికి మంచిపేరే తెచ్చింది. ఆ తర్వాత చేసిన మిడిల్ క్లాస్ మెలోడీస్ కూడా యూత్ ఆడియన్స్‌ను బాగానే ఆకట్టుకుంది. కానీ విజయ్ తమ్ముడిగానే ఇంకా ఆనంద్‌ను చూస్తున్నారు గానీ..సోలో ఇమేజ్ వచ్చినట్టుగా మాత్రం అనిపించడం లేదు. ఆ ఇమేజ్ నుంచి మారి సొంతగా తనకొక సపరేట్ ఇమేజ్ రావాలంటే ఆనంద్ దేవరకొండకు అర్జున్ రెడ్డి లాంటి ఓ సాలీడ్ హిట్ పడాలి.
Anand Devarakonda: విజయ్ దేవరకొండ రేంజ్ క్రేజ్ రావడానికి చాలా ఏళ్ళు సమయం పడుతుందా..?
కానీ ఇంకా అలాంటి ప్రాజెక్ట్ ఏదీ ఆనంద్ దేవరకొండ చేస్తున్నట్టు తెలియడం లేదు. ప్రస్తుతం పుష్పక విమానం అనే సినిమాను చేశాడు. త్వరలో ప్రేక్షకుల ముందుకు రానున్న ఈ మూవీకి భారీ స్థాయిలో ప్రమోషన్స్ నిర్వహిస్తున్నారు. ఐకాన్ స్టార్ అల్లు అర్జున్ లాంటి వారు ఆనంద్ దేవరకొండ సినిమాను ప్రమోట్ చేస్తున్నారు. మరి ఈ సినిమాతో ఆనంద్ ఎలాంటి ఇమేజ్ దక్కించుకుంటాడో గానీ ఇప్పటి వరకు చేసిన సినిమాలే ఇకపై కూడా కంటిన్యూ చేస్తే విజయ్ దేవరకొండ రేంజ్ క్రేజ్ రావడానికి చాలా ఏళ్ళు సమయం పడుతుందని టాక్ వినిపిస్తోంది.
