Karunakar : టాలీవుడ్ లో ఒక్కొక్కసారి మంచి సక్సెస్ ట్రాక్ మెయింటైన్ చేసిన దర్శకులు ఉన్నపలంగా ఫ్లాపులు వచ్చి కనిపించకుండా పోతారు. స్టార్స్ తో సినిమాలు చేసిన కనీసం యంగ్ హీరోలతో సినిమా చేసే అవకాశం కోసం ఏళ్ళ తరబడి ఎదురు చూడాల్సిన పరిస్థితులు నెలకొంటాయి. ఇక్కడ సక్సెస్ ట్రాక్ మాత్రమే చాలా ఇంపార్టెంట్. ఒక్క ఫ్లాపు పడిందా, అప్పటి వరకు ఉన్న ట్రాక్ ని ఎవరు చూడరు. మీ లాస్ట్ సినిమా పెద్ద ఫ్లాప్ కదా..అనే మాట దగ్గరే ఆగిపోయి..మళ్ళీ కలిద్దాం, చూద్దాం, ఆల్రెడీ కమిటయిన ప్రాజెక్ట్స్ ఉన్నాయి ..అనే డైలాగులతో మొహం చాటెస్తారు.
ఇలాంటివన్నీ ఫేస్ చేసిన డైరెక్టర్ మళ్ళీ తమ సత్తా చాటాలని కసితో కథలు రాసుకొని ప్రాజెక్ట్ దక్కించుకుంటారు. అయితే అది ఓ పెద్ద అగ్నిపరీక్ష. ఇప్పుడు ఇదే పరిస్థితులను ఎదుర్కొంటున్నారు కరుణాకర్, బొమ్మరిల్లు భాస్కర్. పవన్ కళ్యాణ్ తో తొలిప్రేమ సినిమా తీసిన కరుణాకర్ భారీ హిట్ అందుకున్నాడు. పవన్ కళ్యాణ్ కి కూడా ఆయన కెరీర్ లో మైల్ స్టోన్ లా మిగిలే సినిమాను ఇచ్చాడు. ఆ తర్వాత కూడా వాసు, యువకుడు, బాలు, ఉల్లాసంగా ఉత్సాహంగా, డార్లింగ్, తేజ్ ఐ లవ్ యూ వంటి సినిమాలు తీశాడు.
Karunakar : కరుణాకర్ తో ఎవరు సినిమా చేసేందుకు గ్రీన్ సిగ్నల్ ఇస్తారో చూడాలి.
బొమ్మరిల్లు భాస్కర్ కూడా బొమ్మరిల్లు, ఆరెంజ్, పరుగు, ఒంగోలు గిత్త చేశాడు. అయితే ఇప్పుడు వీరిద్దరు సక్సెస్ కోసం తపిస్తున్నారు. బొమ్మరిల్లు భాస్కర్ అఖిల్ – పూజా హెగ్డే లతో మోస్ట్ ఎలిజిబుల్ బ్యాచ్లర్ అనే రొమాంటిక్ సినిమాని తీసి రిలీజ్ చేసేందుకు రెడీగా ఉన్నారు. ఇక కరుణాకర్ రెండు కథలు రాసుకున్నాడట. అవి పెద్ద హీరోలతో చెప్పేందుకు ప్లాన్ చేసుకుంటున్నాడట. మరి ఎవరు ఈయనతో సినిమా చేసేందుకు గ్రీన్ సిగ్నల్ ఇస్తారో చూడాలి. ప్రస్తుతం డైరెక్టర్స్ అందరు పాన్ ఇండియన్ సినిమాలను తీసేందుకు భారీ ప్లాన్స్ చేసుకుంటున్నారు. వీరు మాత్రం ఒక్క హిట్ కోసం శ్రమిస్తున్నారు.