దర్శక దిగ్గజం బాలీవుడ్ స్టార్ డైరెక్టర్ ఓం రౌత్ దర్శకత్వంలో ప్రభాస్ ఆదిపురుష్ అన్న టైటిల్ తో భారీ బడ్జెట్ సినిమా చేయబోతున్న సంగతి తెలిసిందే. సైఫ్ అలీఖాన్ ప్రతినాయకుడిగా నటిస్తున్నాడు. ప్రభాస్ రాముడిగా, సైఫ్ లంకేష్ గా కనిపించబోతుండగా అన్ని భాషల్లో ఈ సినిమా రిలీజ్ చేసేందుకు మేకర్స్ ప్లాన్ చేస్తున్నారు. ఈ సినిమాకి 750 కోట్ల కి పైగానే బడ్జెట్ ని కేటాయించినట్టు తెలుస్తుంది. అయితే ఇప్పటి వరకు ఈ సినిమా నుంచి వచ్చిన అప్‌డేట్స్ ఇవి మాత్రమే. గత కొన్ని రోజులుగా ఈ సినిమాలో నటించే సీత పాత్రలో ఏ స్టార్ హీరోయిన్ కనిపంచబోతుందని అందరూ ఆసక్తిగా ఎదురు చూస్తున్నారు.
కాగా తాజా సమాచారం ప్రకారం ఒక్క సీత పాత్ర నే కాదు మరో ప్రధాన పాత్రలు అయిన లక్ష్మణ, హనుమ రోల్స్ కు సంబంధించి అప్‌డేట్స్ కూడా వచ్చే నెల ప్రభాస్ పుట్టినరోజు సందర్భంగా రివీల్ చేసే అవకాశం ఉందని సమాచారం. ఇప్పటికే ఓంరౌత్ టీం కేవలం ఇందుకు సంబంధించిన పనుల్లో లీనమై ఉన్నారట. ప్రభాస్ బర్త్ డే కి వచ్చే ఈ సర్‌ప్రైజింగ్ అప్‌డేట్స్ తో దేశం మొత్తం ఆనందంతో మునిగిపోవడమే కాదు హ్యాంగోవర్ లో ఉండిపోవడం ఖాయమని ఫ్యాన్స్ చెప్పుకుంటున్నారు.
ఇక ప్రభాస్ పుట్టినరోజున “రాధే శ్యామ్” సినిమా నుంచి ఫ్యాన్స్ థ్రిల్లయ్యే టీజర్ ని రిలీజ్ చేయబోతున్నారని విశ్వసనీయ వర్గాల ద్వారా అందుతున్న సమాచారం. ఇప్పటికే రాధే శ్యామ్ యూనిట్ టీజర్ ను రెడీ చేసినట్టు తెలుస్తుంది.
అలాగే నాగ్ అశ్విన్ దర్శకత్వంలో ప్రభాస్ ఒక సిaనిమా చేయబోతున్నాడు. బాలీవుడ్ స్టార్ హీరోయిన్ దీపిక పదుకొణె హీరోయిన్ గా నటిస్తుంది. ప్రముఖ నిర్మాణ సంస్థ వైయంతి మూవీస్ 400 కోట్ల భారీ బడ్జెట్ తో రూపొందించనున్నారు. ఈ సినిమా కోసం ఇప్పటికే రామోజీ ఫిల్మ్ సిటీలో సెట్స్ కూడా తయారవుతున్నాయని సమాచారం.
