Husband : భార్య చేసే కొన్ని పనులంటే భర్త కు అస్సలు నచ్చవట . అవేంటో తెలుసుకునిభర్త మనసుని గెలుచుకుని మీ జీవితం లో సంతోషాన్ని పండించుకొండి… పక్కింటి వాళ్ళు టీవీ కొనుక్కున్నారు, వాళ్ళ ఆయన ఆమె కోసం ఏం ఎదో తెచ్చాడు..మన ఎదురింటి వాళ్ళు కొత్త ఫ్లాట్ కొనుక్కుని ఎంత సంతోషం గా ఉన్నారో అంటూ నగలు, డబ్బులు.. ఇలా ప్రతి ఒక్క విషయాన్ని పదే పదే చెప్పి చిరాకు ,విసుగు తెప్పించడం మంచిది కాదు. ఇది మీ దాంపత్య జీవితం పై తీవ్ర ప్రభావాన్ని చూపిస్తుంది.
ఒకప్పుడు స్రీలు తమతమ భర్తల గురించి చెప్పవలిసి వచ్చినప్పుడు మా ఆయన, మా శ్రీవారు అని ఎంతో ఆప్యాయంగా, గౌరవంగా చెప్పేవారు.పిలవ వలసి వచ్చినప్పుడు,ఏమండి.. మీరు అని సంబోధించేవారు. ఇప్పుడు అలా పిలిచేవారు చాల తక్కువమంది ఉన్నారు అనే చెప్పాలి. కొందరు తమ భర్త ను అందరి ముందు పేరుపెట్టి పిలవడం, ఇంకొందరు ఐతే గౌరవం లేకుండా పిలవడం చేస్తుంటారు. ఒంటరిగా ఏకాంతం లో ఉన్నప్పుడు ఇలా పిలిస్తే ఫర్వాలేదు కానీ అందరి ముందు పిలవడం వలన మీ ఆయన గౌరవాన్ని మీరే తక్కువ చేసినట్లవుతుంది.
ఇది భార్య లకే కాదు భర్తలకు కూడా వర్తిస్తుంది. తెలియని మగవాళ్ళు/మహిళలతో గానీ మీ భర్త కు ఇష్టం లేని వారితో మాట్లాడటం వారితో చనువుగా ఉండటం మీభాగస్వామి కి అస్సలు నచ్చదు. ఇవే మీ దాంపత్య జీవితాన్ని దెబ్బతీస్తుంటాయి. ఈ విషయంలో భర్తలేదా భార్య ఒకటి లేదా రెండుసార్లు చెబుతారు. ఆ మాటలు వినకుండా మాట్లాడుతూ ఉంటే వారిలో వారే బాధ పడిపోతూ ఉంటారు.
ఇంట్లో పిల్లలు ఉన్నప్పుడు మీరు మీ భర్త ను తక్కువగా చేసి మాట్లాడటం, ఏది చేతకాదు అని అనడం, వంటివి చేస్తే మీ పిల్లలు కూడా మీ భర్త ను లెక్కచేయరు. అలాగే ఇంటికి చుట్టాలు వచ్చినప్పుడు అది చేయ్, ఇలా ఎందుకు చేస్తున్నావ్ అంటూ మీ ఆయన పై అరవటం వలన మీ వాళ్ళు మా అమ్మా యిదే పై చేయి అనుకున్నా ఆ తర్వాత మాత్రం మీ గురించి తప్పుగా అనుకుంటారు. మీకు గౌరవం కూడా తగ్గిపోతుంది.