Brain: సాధారణం గా ఒకే వయస్సులో ఉన్న ఆడవారితో మగవారిని పోల్చి చుస్తే .. మగవారే చిన్న వయసు గలవారీగా కనిపిస్తుంటారు. కానీ ఆశ్చర్య కరమైన విష్యం ఏమిటంటే మనకు మాత్రమే కాదు మన మెదడుకు కూడా వయసుఉంటుందట. అంతేకాదు, మెదడు విషయంలో మగవారి కన్నా ఆడవారి మెదడే ఎక్కువ యవ్వనంగా ఉంటుందట.
తాజాగా చేసిన అధ్యయనంలో సైంటిస్టులే ఈ విషయాన్ని తెలియచేసారు.అమెరికాకు చెందినకొందరు సైంటిస్టులు ఈ మధ్యే 121 మంది ఆడవారు, 84 మంది మగవారిపై అధ్యయనం చేశారు. పరిశోధనకులోకి తిరుకున్న వారి మెదడు మెటబాలిజం, మెదడుకు జరుగుతున్న ఆక్సిజన్ సరఫరా, మెదడు గ్లూకోజ్ వినియోగం తదితర అంశాలనుపరిశింలించి చూసారు. వీటితో పాటు వారికి కొన్ని పజిల్స్ కూడా పెట్టారు. చివరకు సైంటిస్టులు చెప్పింది ఏమిటంటే..మగవారికంటే, ఆడవారి మెదడు షార్ప్గా ఉందట. అలాగే ఆడవారి మెదడే మగవారి మెదడు కన్నా యవ్వనం గా ఉందట.
అంటే స్త్రీల వయసు కన్నా వారి మెదడు వయస్సు 3.8 ఏళ్లు తక్కువగా ఉంటుందట. ఉదాహరణకు ఆడవారి వయస్సు 30 సంవత్సరాలు అనుకుంటే వారి మెదడు వయస్సు 26.2 ఏళ్లే నట.అలాగేమగవారి అస్సలు వయస్సు కన్నా వారి మెదడు వయస్సు 2.4 సంవత్సరాలు ఎక్కువగా ఉందట. ఉదాహరణకు మగవారి వయస్సు 30 ఏళ్లు అనుకుంటే అతని మెదడు వయస్సు 32.4 సంవత్సరాలు ఉంటుందట.అందువల్లే వయస్సు మీద పడిన కొద్దీ సహజం గా మతిమరుపు, జ్ఞాపకశక్తి తగ్గిపోవడంతో పాటు అల్జీమర్స్ వంటి వ్యాధులు మగవారికే ఎక్కువగా వస్తాయని సైంటిస్టులు తెలియచేస్తున్నారు.
ఈ క్రమంలోనే ఆడవారికి వయస్సు పెరిగినప్పటికీ వారి మెదడు యొక్క వయస్సు తక్కువగా ఉంటుంది కాబట్టి వారికి జ్ఞాపకశక్తి, మెంటల్ అలర్ట్నెస్ ఎక్కువగా ఉంటాయని, వారి మైండ్ చాలా షార్ప్గా ఉంటుందని సైంటిస్టులుతెలియచేస్తున్నారు. కాగా ఈ అధ్యయనానికి చెందిన వివరాలను అమెరికాకు చెందిన నేషనల్ అకాడమీ ఆఫ్ సైన్సెస్ అనే ఓ జర్నల్లోనూ తెలియచేసారు .