అమ్మాయిగా పుట్టిన ముప్పై ఏళ్ల తర్వాత తాను మగాడినని తెలుసుకున్న ఓ మహిళ ఉదంతం పశ్చిమ బెంగాల్ లో జరిగింది. అందరి అమ్మాయిల్లా పెరిగి పెళ్లి కూడా చేసుకుంది. పిల్లలు పుట్టడం లేదని ఆస్పత్రికి వెళ్లి చెక్ చేయించుకుంటే ఈ విషయం బయటపడింది. దీంతో ఆమెతోపాటు డాక్టర్లు కూడా ఆశ్చర్యపోయారు. పెళ్లై పదేళ్లయినా పిల్లలు పుట్టకపోవడంతో ఈ నిజం వెలుగు చూసింది.
ఈ సమస్యపై డాక్టర్లు స్పందిస్తూ.. ‘ఆమె పైకి అచ్చం మహిళగానే ఉంటుంది. కానీ ఆమె లోపల నిర్మాణం మాత్రం మగవాళ్లకు ఉండే విధంగా ఉంది. ఆమెకు గర్భాశయం లేదు. అండాలు విడుదలయ్యే వ్యవస్థ లేకపోవడం వల్ల ఆమె నెలసరి రాలేదు. ఆమెలో X,Y క్రోమోజోములు ఉన్నాయి. X క్రోమోజోములు ఉండటంతో ఆమెకు వయసుతోపాటు రొమ్ములు, గొంతు, ఇతర శరీర భాగాలన్నీ మహిళలకు అభివృద్ధి చెందినట్టే జరిగాయి’ అని తెలిపారు.
