సినిమాల ప్రభావం ఎంతుందో తెలియదు కానీ పంచ్ డైలాగ్ ల ప్రభావం మాత్రం జనం మీద చాలా ఉందని ఏదో సినిమాలో అన్నట్లు.. రియల్ లైఫ్ లో కూడా చాలా చోట్ల ఈ మధ్య అలాంటి మాటలను వింటున్నాం. అయితే డైలాగ్స్ వరకు ఓకే. కానీ సినిమా సీన్లనే రిపీట్ చేస్తే.. అది ఎలాగుంటుంది. భలే ట్వీస్ట్ గా ఉంటుంది కదా..?
సేమ్ అలాంటి ఘటనే ఈ మధ్య ఒకటి జరిగింది. కొద్ది క్షణాల్లో పెళ్లి అవుతుంది అనగానే.. ఒక అమ్మాయి వచ్చేసి అతను నన్ను పెళ్లి చేసుకుంటానని చెప్పి మోసం చేశాడని తెలిపింది. పెళ్లి ఆపేయాలని నానా గొడవ చేసింది. దాంతో పోలీసులు రంగ ప్రవేశం చేశారు. ఇలాంటి ట్వీస్ట్ లు ఉన్న ఈ ఘటన సికింద్రాబాద్ లోని ఒక చర్చిలో జరిగింది. ఈ వార్త తెలిసిన వారంతా సినిమాను తలపించేలా ఉందని అంటున్నారు.
వివరాల్లోకి వెళితే జనగామ జిల్లా యశ్వంతపూర్కు చెందిన అనిల్ హైదరాబాద్ చివారులోనున్న చౌదరిగూడలో ఉంటున్న తన అమ్మమ్మ దగ్గర కొన్ని రోజుల నుంచి ఉంటున్నాడు. అక్కడే ఒక అమ్మాయి పరిచయం అయ్యింది. వారు మంచి స్నేహితులయ్యారు. కట్ చేస్తే.. ఈ మధ్య అనిల్ తల్లిదండ్రులు అతడికి పెళ్లి చేయాలని నిర్ణయించుకున్నారు. అనుకున్న విధంగానే సికింద్రాబాద్ అడ్డగుట్ట ప్రాంతంలో ఉంటున్న బంధువుల అమ్మాయితో పెండ్లి పిక్స్ చేశారు. దీంతో నిన్న సికింద్రాబాద్ లోనున్న ఒక చర్చిలో పెళ్లి జరగుతుండగా ఒక అమ్మాయి అక్కడకు వచ్చింది.
అక్కడకు వచ్చిన అమ్మాయి ఒక్కసారిగా.. అనిల్ నన్ను లవ్ చేశాడు. పెళ్లి చేసుకొంటానని నమ్మించాడు. ఇప్పుడు నన్ను మోసం చేస్తున్నాడని గొడవకు దిగింది. ఈ విషయము కాస్తా పోలీసులకు తెలిసింది. దాంతో పోలీసులు రంగ ప్రవేశం చేశారు. అమ్మాయి బంధువులకు, పెళ్లి కొడుకు తల్లిదండ్రులకు పోలీసులు కౌన్సెలింగ్ ఇచ్చారు. అలాగే అనిల్తో ఉన్న సంబంధాలకు సాక్ష్యాలు చూపించాలని ఆ అమ్మాయిని అగిగారు. తను ఏ ఆధారాలను చూపించలేక పోయింది. దాంతో తనను ఇంటికి పంపించారు. అదే సమయంలో పెళ్లి కూతురు మైనర్ అని తెలింది. దీంతో బాలల హక్కుల సంఘం ప్రతినిధులు ఆమెను తీసుకుపోయారు. రెండు కుటుంబాలపై కేసు పెట్టనున్నట్లు బాలల హక్కుల సంఘం ప్రతినిధులు తెలిపారు.