షియోమీ కంపెనీ రెడ్మీ 9 సిరీస్లో కొత్త ఫోన్లను విడుదల చేయనుంది. ఆగస్టు 4న ఈ ఫోన్లను విడుదల చేస్తున్నట్లు తెలిపింది. అమెజాన్తోపాటు ఎంఐ ఆన్లైన్ స్టోర్లలో ఈ ఫోన్లు లభిస్తాయి. రెడ్మీ 9, 9ఎ, 9సి పేరిట మూడు ఫోన్లను ఈ సిరీస్లో విడుదల చేస్తారని తెలుస్తోంది. వీటిల్లో పలు అద్భుతమైన ఫీచర్లను ఇవ్వనున్నట్లు తెలుస్తోంది.
రెడ్మీ 9 ఫోన్లో 6.53 ఇంచుల డిస్ప్లే, మీడియాటెక్ హీలియో జి80 ప్రాసెసర్లను ఇస్తారని తెలిసింది. వెనుక వైపు 13 మెగాపిక్సల్ మెయిన్ కెమెరాతోపాటు 8 మెగాపిక్సల్ అల్ట్రావైడ్ యాంగిల్ లెన్స్, 5 మెగాపిక్సల్ మాక్రో సెన్సార్, 2 మెగాపిక్సల్ డెప్త్ సెన్సార్లను ఇస్తారని సమాచారం. ముందు వైపు 8 మెగాపిక్సల్ కెమెరా ఉంటుందని తెలిసింది. వెనుక వైపు ఫింగర్ ప్రింట్ సెన్సార్ను ఏర్పాటు చేస్తారు.
5020 ఎంఏహెచ్ బ్యాటరీతోపాటు ఫాస్ట్ చార్జింగ్ను రెడ్మీ 9 ఫోన్లో ఇస్తారని తెలుస్తోంది. అలాగే రెడ్మీ 9ఎ ఫోన్లో 6.53 ఇంచుల డిస్ప్లే, 5000 ఎంఏహెచ్ బ్యాటరీ ఫీచర్లను, రెడ్మీ 9సి ఫోన్లో ఆక్టాకోర్ మీడియాటెక్ హీలియో జి35 ప్రాసెసర్ను ఇస్తారని తెలిసింది. పలు ఫీచర్లు వీటిల్లో కామన్గా ఉంటాయని తెలుస్తోంది. ఆగస్టు 4న ఫోన్లు విడుదలైతే పూర్తి వివరాలు తెలుస్తాయి.