ఇటీవల జగన్ ప్రభుత్వం చేపట్టిన ఇళ్ల పట్టాల పంపిణీ కార్యక్రమానికి రాష్ట్ర స్థాయిలో భారీ స్పందన వచ్చిన సంగతి తెలిసిందే. దేశంలో ఏ రాష్ట్ర ముఖ్యమంత్రి చేయని విధంగా ఏకంగా 30 లక్షల మంది పేదలకు మహిళల పేరిట జగన్ సర్కార్ చేపట్టిన ఇళ్ల పట్టాల పంపిణీ నిర్ణయం పట్ల దేశవ్యాప్తంగా ఉన్న చాలామంది ప్రముఖ మహిళలు వైయస్ జగన్మోహన్ రెడ్డిని అభినందించడం జరిగింది.
మహిళల అభివృద్ధికి జగన్ ప్రభుత్వం బాగా కృషి చేస్తున్నట్లు కొనియాడుతూ ఉన్నారు. ఇదిలా ఉంటే జగన్ సర్కార్ పేదలకు ఇస్తున్న ఇల్లు గురించి టిడిపి నాయకులు మరోపక్క దారుణంగా కామెంట్లు చేయటం ఇటీవల మనం చూశాం. ఏకంగా టీడీపీ ప్రధాన కార్యదర్శి నారా లోకేష్ వైసీపీ ప్రభుత్వం ఇచ్చే ఇల్లు జగన్ ఇంటిలో బాత్రూం లాంటివి అని భారీ స్థాయిలో డైలాగులు వేయడం జరిగింది.
ఇదిలా ఉండగా లోకేష్ వేసిన డైలాగులకు మంత్రి కొడాలి నాని దిమ్మతిరిగే రీతిలో కౌంటర్లు వేశారు. ఆయన ఏమన్నారంటే.. లోకేష్ ఎప్పుడు జగన్ ఇంటికి వెళ్లి బాత్రూం కడిగేరో మాకు ఎవరికి అర్థం కాలేదు, ఇల్లు జగన్ బాత్ రూమ్ అంతా ఉందని లోకేష్ కి ఎలా తెలిసింది అంటూ వెటకారమైన డైలాగులు వేశారు. అంతా పక్కనపెడితే ఒక పేదవాడు ఇంటిని బాత్రూం తో పోల్చారు అంటే వీళ్ళ సంస్కారం ఏ విధంగా ఉందో అర్థం చేసుకోవచ్చు అంటూ లోకేష్ పై కొడాలి నాని సీరియస్ అయ్యారు.
