ఏదో రకంగా నలిగిపోయినా లేదా చిరిగిపోయిన నోట్లు చాలా మంది దగ్గరుంటాయి. వాటిని ఎవరూ తీసుకోకపోవడంతో వాటిని ఒక మూలన పడేస్తుంటారు. వాటిని కనీసం షాపుల్లో కూడా తీసుకోకపోవడం వలన అవి అలాగే ఉండాల్సిన పరిస్థితి ఏర్పడుతుంది. చిన్న చిన్న నోట్లకైతే పోతేపోని అనుకోవచ్చు గాని పెద్ద పెద్ద నోటునైతే అలాగే వదిలేయడానికి చాలా మందికి మనసొప్పదు.
ఏదో ఒక అవసరానికి ఉపయోగపడతది కదా అని ఆలోచిస్తుంటారు. అలాంటి చిరిగిపోయినా, నలిగిపోయిన నోట్లు మీ దగ్గరేమైనా ఉన్నాయా.. అలాంటి నోట్లు మీ దగ్గరుంటే ఇక మీరు చింతించాల్సిన అవసరం ఏ మాత్రం లేదండోయ్.. బ్యాంకుకు వెళ్లి చిరిగిన నోటు స్థానంలో కొత్త నోటును పొందవచ్చు. చాలా మటుకు కరెన్సీ నోట్లు కొంచం పలచగా ఉండటం వల్ల అవి సులభంగా చిరిగిపోయే ప్రమాదం ఉంది.
అలా చిరిగిపోయినా సందర్భాలెన్నో చాలా మందికి ఉంటాయి. కాని వాటిని మాత్రం ఎవరూ తీసుకోకపోవడంతో అవి అలాగే మన దగ్గరే ఉండాల్సి వస్తుంటది. వాటిని ఎటూ వినియోగించలేమని చాలా మంది తెగ హైరానా పడిపోతూ ఉంటారు… ఇలాంటి వారి కోసమే రిజర్వ్ బ్యాంక్ ఆఫ్ ఇండియా దీనికి చెక్ పెట్టింది. దీని కోసం కొత్త మార్గదర్శకాలను ప్రవేశపెట్టిందండోచ్.. చిరిగిపోయినా, నలిగిపోయిన నోట్ స్థానంలో మీరు కొత్త కరెన్సీ నోటును బ్యాంకుల్లో ఈజీగా పొందవచ్చు.
కాకపోతే మీరు తీసుకుపోయే నోట్ నకిలీది కాకుంటే చాలు. మీరిచ్చిన నోట్ స్థానంలో మరో కొత్త కరెన్సీ నోట్ ను అందిస్తుంది బ్యాంక్. కొత్త కరెన్సీ నోట్ ను ఇవ్వడానికి బ్యాంక్ మీ నుండి ఎలాంటి సొమ్మును వసూలు చేయవు. కాని కొన్ని బ్యాంకులు మాత్రం చిరిగిపోయిన నోట్లను తీసుకోవడానికి అంగీకరించకపోవచ్చు. అలాంటప్పుడు మీరు ఆ నోట్లను ఆర్ బీఐ ఆఫీసుకు డిపాజిట్ చేస్తే సరి.. మీ వద్దనున్న చిరిగిన లేదా నలిగి పాతగా మారిన నోట్లు ఉంటే దగ్గర్లోని బ్యాంకుకు వెళ్లి మార్చుకోవచ్చు. ఇంకెందుకు ఆలస్యం మీ దగ్గర గనుక అలాంటి నోట్లు ఉంటే మార్చుకోండి మరి..
