Gas cylinder: వంట చేస్తున్నపుడు హఠాత్తు గా గ్యాస్ అయిపోతే చాల కంగారు పడవలిసి వస్తుంది. తెలిసినవాళ్ళనో, పక్కింటి వాళ్ళనో అడుగుతాము ఉంటే సరే లేదంటే మాత్రం రక రకాల ప్రయత్నాలు చేస్తుంటాము. ఇన్ని ఇబ్బందులు పడే బదులు గ్యాస్ Gas cylinder ఎంత ఉందో ముందుగానే తెలుసుకునే ఏదైనా పరికరం ఉంటే బావుండు అనిపిస్తుంది కదా… అయితే పరికరం కాదు కానీ ఒక చిట్కా ద్వారా బండలో ఎంత గ్యాస్ ఉందో తెలుసుకోవచ్చు. ఆ చిట్కా ఏమిటంటే.. గ్యాస్ బండలో ఎంత గ్యాస్ ఉందో తెలియడం కోసం మనం బండను ఊపి చూస్తుంటాం.. లేదా చేతులతో ఎత్తి బరువును బట్టి అంచనా వేస్తాం.
ఇంత శ్రమ లేకుండా సింపుల్‌గా తడి గుడ్డ ను తీసుకొని, సిలిండర్‌పై రుద్దితే చాలు.. అది ఎలా అంటే గ్యాస్ బండ పై దుమ్ము ఉన్నపుడు దాన్ని తుడవడానికి మనం ఎలా చేస్తామో… అలా తడి గుడ్డతో తుడిచిన తర్వాత… 2 లేదా 3 నిమిషా ల్లో సిలిండర్‌పై ఉన్న కొన్ని ప్రదేశాల్లో తడి ఆరిపోయి పొడిగా మారుతూ ఉండటాన్ని మీరు గమనించ వచ్చు. మిగతా ప్రాంతం తడిగానే ఉంటుంది. ఆ ప్రాంతం పొడిగా అవ్వడానికి కొంచెం ఎక్కువ సమయం పడుతుంది. ఈ తేడాని బాగా, జాగ్రత్తగా పరీక్షించాలిసి ఉంటుంది.ఇదే మనకు విషయాన్ని తెలియచేస్తుంది.
ఇలా ఒక చోట ఎక్కువ పొడిగా మారడానికి ఎక్కువ టైమ్ పడితే, లోపల గ్యాస్ ఉన్నట్లు అర్థమట. సపోజ్ బండలో సగం గ్యాస్ ఉంటే, సగం వరకు ఆరకుండా… మిగతా సగం త్వరగా ఆరిపోతుందన్నమాట. ఇలా ఎందుకు అవుతుందో సైంటిస్టులే వివరించారు. గ్యాస్ బండలో గ్యాస్ ఉన్నచోట… బయట వైపు చుట్టూ వాతావరణం చల్లగా ఉంటుందట. అదే బండలో గ్యాస్ లేకపోతే, ఆ ప్రాంతం లో బయటివైపు వాతావరణం వేడిగా లేదా సాధారణంగా ఉండడం వల్ల మనం తడిగుడ్డ తో తుడిచి నప్పుడు పొడి వాతావరణం లో నీరు త్వరగా ఆవిరవుతుంది. తడి లేదా చల్లటి వాతావరణం లో నీరు త్వరగా ఆవిరి అవ్వదు, ఇలా చేస్తే మనకు కచ్చితంగా బండలో ఎంత గ్యాస్ ఉందో తెలిసిపోతుంది. గ్యాస్ అయిపోతోందని అనిపిస్తే, వెంటనే మరో బండ బుక్ చేసేసుకోవచ్చు.
