Monasticism: సన్యసించడం అన్నా లేదా సన్యాసి అన్నా మనకు గుర్తువచ్చేది పురుషులే. స్త్రీలు సన్యసించడం మన హిందూ ధర్మం అంగీకరించదు. మనకి ఈ ఆచారాల వెనుక ఉన్న కారణం తెలియకపోయినా చాలా వరకు పాటిస్తూ ఉంటాము. అలా ఫలితం తెలియకుండా పాటించినా వాటి వలన మంచే తప్ప చెడు జరగదు. దీనికి వెనుక ఉన్న కారణం ఏమిటంటే…. సాధారణంగా స్త్రీలలోని రుతుస్రావం కామవాంచనను సూచిస్తుందని నమ్ముతారు. యవ్వన మరియు ప్రౌఢ దశ పూర్తయ్యి రుతుస్రావం ఆగిపోయిన అనంతరం స్త్రీలు భవబంధాలను వదులుకుని సన్యసించవచ్చు.
ఈ విషయాన్ని మీరు స్త్రీ జాతిని కించపరచడమని తప్పుగా అర్ధం చేసుకోవద్దు. యవ్వన మరియు ప్రౌఢ దశ పూర్తయ్యే వరకు స్త్రీకి సన్యసించడం వీలుకాదు అని మాత్రమే మన ధర్మం చెబుతున్నది కానీ బాల్య, యవ్వన మరియు ప్రౌఢ దశలలో ఆధ్యాత్మిక సాధన చేయరాదని మాత్రం చెప్పడం లేదని గుర్తించండి. సన్యసించి సాధించే దాని కంటే సంసారిగా ఉంటూనే అంతకన్నా వెయ్యి రెట్లు ఆధ్యాత్మిక ఉన్నతిని కఠిన సాధన వలన సాధించవచ్చునని మరచిపోకండి. సంసారి అయిన పార్వతి దేవి తన తపస్సుతో భువనాలను ఏలే భువనేశ్వరియై జగన్మాతై విశ్వ నియంత్రణ శక్తీ అధిష్ఠాన దైవమై విలసిల్లుతోందని మనం మర్చిపోకూడదు.
యవ్వనంలో ఉన్నప్పుడు సన్యసించి చెట్లు వెంట పుట్టల వెంట సమాజంలో తిరుగుట స్త్రీకి ఎంత వరకు వీలవుతుంది. ఏకాంతంగా సంచరించే ఆమె కామాంధుల కళ్ళ నుండి ఎంతకాలం తనని తాను రక్షించుకోగలదు? కావున సన్యాసియై దేశదిమ్మరిగా తిరుగుట తనకు వీలు కాదు కాబట్టి సంగంలోని అవివాహితగా (వివాహం ఇష్టం లేకపోతే) ఉండి తన స్వయం పోషణకు కావాల్సిన వనరులు ఏర్పాటు చేసుకుని ఆథ్యాత్మిక లక్ష్యాన్ని సాధించుకోవచ్చు.
ఈ కారణం చేతనే పడుచు స్త్రీ సన్యాసానికి తగదని ఋషి వాక్కు. ఈ న్యూస్ ని మీ వాట్సాప్ మరియు ఫేస్ బుక్ లో ఉన్న ఫ్రండ్స్ అందరితో షేర్ చెయ్యండి. కిందనే ఉన్న షేర్ బటన్ ఉపయోగించి వెంటనే వారికి షేర్ చెయ్యండి.
ఈ న్యూస్ ని మీ వాట్సాప్ మరియు ఫేస్ బుక్ లో ఉన్న ఫ్రండ్స్ అందరితో షేర్ చెయ్యండి. కిందనే ఉన్న షేర్ బటన్ ఉపయోగించి వెంటనే వారికి షేర్ చెయ్యండి.
