జగన్ కూడా అందరి రాజకీయ నాయకుల్లాగే డైలాగులు తప్ప యాక్షన్ ఉండదు అనుకున్నవారంతా షాక్ అయ్యేలా నిర్ణయాలు తీసుకున్నారు ఏపీ ముఖ్యమంత్రీ జగన్! ఒకవైపు సీబీఐ ఎంక్వైరీ, ఆ షాక్ నుంచి టీడీపీ నేతలు తేరుకునే లోపే అచ్చెన్నాయుడి అరెస్ట్! ఈ క్రమంలో జగన్ మరింత పక్కాగా ప్లాన్స్ రెడీ చేసుకున్నారని.. అందులో భాగంగా ఒకటి రెండు రోజుల్లో మరో మాజీ మంత్రి బండారం బయటపడనుందని అప్పుడే లీకులు, వాటి తాలూకు విశ్లేషణలు మొదలైపోయాయి.
టీడీపీ హయాంలోని గత ప్రభుత్వం చేసిన అక్రమాలని వెలికితీయడమే పనిగా పెట్టుకుని ముందుకెళుతున్న జగన్… నెక్స్ట్ టార్గెట్ అగ్రిగోల్డ్ భూములు కొనుగోలు వ్యవహారం అని తెలుస్తుంది. ఈ వ్యవహారంలో కీలకంగా పనిచేసిన మాజీ మంత్రి ప్రత్తిపాటి పుల్లారావు అడ్డంగా బుక్కయ్యే అవకాశాలున్నాయని వైకాపా నేతలు ఆఫ్ ద రికార్డ్ చెబుతున్నరు. ఇప్పటికే అమరావతిలో భూములు కొనుగోలుపై ప్రత్తిపాటిపై సి‌ఐ‌డి కేసు నమోదు చేసింది. అలాగే ప్రత్తిపాటి కుమారుడు శరత్‌ కు చెందిన పలు సంస్థల్లో కూడా అక్రమాలు చోటుచేసుకున్నాయని వార్తలు రావడం, ఆయనకు చెందిన ఆవేక్సా కార్పొరేషన్ సంస్థపై ఐటీ దాడులు కూడా జరగడం తెలిసిందే.
ఈ క్రమంలో అగ్రిగోల్డ్ భూములు కొనుగోలు వ్యవహారంలో కూడా ప్రత్తిపాటి పుల్లారావు పలు అక్రమాలకు పాల్పడ్డారని, కారుచౌకకే భూములు కొట్టేశారనే ఆరోపణలు కూడా ఉన్నాయి. వీటితో పాటు వ్యవసాయ శాఖ మంత్రిగా పనిచేసినప్పుడు, నకిలీ ఎరువులు, పురుగుల మందులకు సంబంధించిన పలు ఫెర్టిలైజర్స్ సంస్థల దగ్గర కమిషన్లు తీసుకుని పర్మిషన్లు ఇచ్చినట్లు ఆరోపణలు కూడా వచ్చాయి. దీంతో వీటి అన్నిటిపై నిఘా పెట్టిన జగన్ ప్రభుత్వం.. ప్రత్తిపాటిని నెక్స్ట్ టార్గెట్ చేస్తారని అంటున్నారు.
