ఆంధ్రప్రదేశ్ రాష్ట్రంలో వైయస్ జగన్ పరిపాలన విషయంలో దేశవ్యాప్తంగా మంచి రెస్పాన్స్ వస్తున్న విషయం అందరికీ తెలిసిందే. పేరు గాంచిన ప్రముఖ సర్వే సంస్థ చేపడుతున్న సర్వేలలో మొదటి నుండి టాప్ ఫైవ్ లోనే తన సీఎం ర్యాంక్ ఉండేలా అదిరిపోయే పాలన ఏపీలో అందిస్తున్నారు. దేశంలో చాలామంది తల పండిపోయిన సీఎంలు కూడా జగన్ పాలన పట్ల అమలవుతున్న సంక్షేమ పథకాల పట్ల రక రకాలుగా కథలు కథలుగా చెప్పుకొంటున్నారు.
ముఖ్యంగా గ్రామ వార్డు సచివాలయ వ్యవస్థ ద్వారా ప్రజల వద్దకే పాలన అన్నట్టుగా జగన్ తీసుకు వచ్చిన సరికొత్త వ్యవస్థపై ప్రధాని మోడీ శాతం ప్రశంసలు కురిపించడం జరిగింది. ఒక పాలన పరంగా మాత్రమే కాక లోటు బడ్జెట్ రాష్ట్రంలో కూడా ప్రభుత్వ ఉద్యోగస్తులకు అనేక వరాలు అందిస్తున్నారు. ఇదిలా ఉండగా ముఖ్యమంత్రి అయ్యాక ఊహించని రీతిలో ఆశా వర్కర్లకు జీతం పెంచిన జగన్ తాజాగా వారి విషయంలో మరోసారి సరికొత్త నిర్ణయం తీసుకున్నారు.
మేటర్ లోకి వెళ్తే ఆశా వర్కర్లకు ఉచిత స్మార్ట్ ఫోన్ అందించి దాన్ని ఒక స్పెషల్ యాప్ కి అనుసంధానం చేసి క్షేత్ర స్థాయిలో సేవలు అందేలా జగన్ సర్కారు అడుగులు వేస్తోంది. గర్భిణీలు గుర్తింపు వారికి వైద్య పరీక్షలు టీబీ కేసులు ఇలా అన్నీ స్మార్ట్ ఫోన్ ద్వారా ఆశ వర్కర్లు సేవలందించిన నమోదు చేసుకునేలా జగన్ సర్కార్ నిర్ణయం తీసుకుంది. అంత మాత్రమే కాక ఫిబ్రవరి మొదటి తారీకు నుండి ఇంటివద్దకే రేషన్ డోర్ డెలివరీ చేయనుంది. దీంతో తాజాగా జగన్ తీసుకున్న నిర్ణయాలకు రాష్ట్ర ప్రజల నుండి అనూహ్యమైన స్పందన వస్తోంది.
