హిందూపూర్ అసెంబ్లీ నియోజకవర్గం ఎమ్మెల్యే, టాలీవుడ్ నటుడు నందమూరి బాలకృష్ణ.. వైఎస్ఆర్సీపీ అధినేత, ఏపీ ముఖ్యమంత్రి వైఎస్ జగన్ కు రెండు లేఖలు రాసిన సంగతి తెలిసిందే. అయితే ఈ లేఖల్లో ఒకటి ప్రశంసా పత్రం కాగా మరొకటి రిక్వస్ట్ లెటర్! ఈ విషయాలపై టీడీపీ నేతలూ.. మరి ముఖ్యంగా టీడీపీ అధినేత చంద్రబాబు.. ఎలా స్పందిస్తారు అనే సంగతి కాసేపు పక్కనపెడితే… జగన్ మాత్రం రిప్లై ఇవ్వడానికి రెడీ అవుతున్నట్లు తెలుస్తోంది.
తన అభిమాన నటుడు రెండు లేఖలు రాసే సరికి జగన్ హ్యాపీ ఫీలయ్యారని.. ఒకసారి గతంలోకి వెళ్లారని అంటున్నారు!! ఇందులో భాగంగా బాలయ్య తన లేఖల్లో ప్రస్థావించిన రెండు అంశాలపై జగన్ సానుకూలంగా ఉన్నారని తెలుస్తోంది! తన నియోజకవర్గమైన హిందూపురం ప్రాంతానికి మెడికల్ కళాశాల మంజూరు చేసినందుకు ధన్యావాదాలు తెలుపుతూ మొదలైన బాలయ్య లేక… ఈ కళాశాలను కదిరి రహదారిపై హిందూపూర్ మండలంలోని మలుగూరు ప్రాంతంలో ఏర్పాటుచేయాలని ముఖ్యమంత్రిని కోరడంతో ముగిస్తోంది. ఈ విషయంలో జగన్ సానుకూలంగా ఉన్నట్లు తెలుస్తోంది.
ఇకమరో లేఖలో… ఆంధ్రప్రదేశ్ లో కొత్తగా ఏర్పాటుచేయబోయే జిల్లాల్లో.. హిందూపురం జిల్లాను ఏర్పాటుచేయాలని, ఆ జిల్లాకు కేంద్రంగా హిందూపురం పట్టణాన్ని పెట్టాలని బాలయ్య కోరారు. హిందూపురం వ్యాపార పరంగా ఎదుగుతోందని… జిల్లా ఏర్పాటు వల్ల మరింత అభివృద్ధి చెందుతుందని బాలయ్య బాబు ఆకాంక్షించారు. అయితే… బాలయ్య కోరిన కోరికలపై జగన్ సానుకూలంగా ఉన్నారని.. ఆ లేఖలకు ప్రత్యుత్తరం ఇచ్చే అవకాశం ఉందని అంటున్నారు!