YS Sharmila: తెలంగాణ లో రాజన్న రాజ్యం స్థాపించాలన్న లక్ష్యంతో రాజకీయ పార్టీ ఆరంభించి ముందుకు సాగుతున్న వైఎస్ఆర్ టీపీ అధ్యక్షురాలు వైఎస్ షర్మిల నేడు కీలక ప్రకటన చేశారు. రాబోయే ఎన్నికల్లో తాను పోటీ చేసే నియోజకవర్గాన్ని ప్రకటించారు. ప్రస్తుతం నియోజకవర్గాల్లో పాదయాత్ర కొనసాగిస్తున్నారు. దివంగత సీఎం వైఎస్ఆర్ అభిమానులు, పార్టీ కార్యకర్తలు, నేతలు ఆమె వెంట నడుస్తున్నారు. కేసిఆర్ ప్రభుత్వ ప్రజా విధానాలపై నిత్యం విమర్శలు చేస్తూ రాబోయే ఎన్నికల్లో తన సత్తా చాటాలని భావిస్తున్నారు షర్మిల. పార్టీ ఆవిర్భావ సభ ను ఉమ్మడి ఖమ్మం జిల్లా నుండి ప్రారంభించిన వైఎస్ షర్మిల.. తను పోటీ చేసే నియోజకవర్గాన్ని ఈ జిల్లా నుండే ఎంపిక చేసుకున్నారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
YS Sharmila: పాలేరు నుండే ఎమ్మెల్యే గా బరిలోకి
ఆదివారం నేలకొండపల్లిలో ముఖ్య కార్యకర్తల సమావేశంలో పాల్గొన్న వైఎస్ షర్మిల.. అభిమానుల ఆకాంక్ష మేరకు పాలేరు నుండే ఎమ్మెల్యే గా బరిలోకి దిగుతున్నట్లు ప్రకటించారు. వైఎస్ఆర్ అంటే ఎక్కువగా అభిమానించే వారంతా పాలేరులోనే ఉన్నారని అందుకే పోటీకి దిగుతున్నట్లు వెల్లడించారు. పాలేరు నియోజకవర్గం నుండి పోటీ చేయాలని అడుగడుగునా హరతులు పట్టుకుంటూ ప్రతి గ్రామంలో అందరూ చెబుతున్నారని అన్నారు. పాలేరు నుండి పోటీ చేయాలని అడుగుతున్నారు కాబట్టి దేవుడు తథాస్తు అంటాడు అని తన గట్టి నమ్మకమని పేర్కొన్నారు.
వైెఎస్ఆర్ సంక్షేమ పాలన పాలేరు నుండే
ఈ రోజు నుండి పాలేరులో పోటీ చేయాలనేది అభిమానుల కోరికే కాదు తన కోరిక కూడా అని చెప్పారు వైఎస్ షర్మిల. వైఎస్ఆర్ తెలంగాణ పార్టీ జైత్రయాత్ర, జెండా పాలేరు నుండే ఎదగాలని ఆమె ఆకాంక్షించారు. వైెఎస్ఆర్ సంక్షేమ పాలన పాలేరు నుండే మొదలు కావాలన్నారు. చరిత్రలో ఎన్నడూ లేని మెజారిటీ కోసం పని చేద్దామనీ, పాలేరు నియోజకవర్గం దిశా – నిర్దేశం కావాలన్నారు. ఎక్కడ అవసరం అయితే అక్కడ పోరాటం చేయాలన్నారు.
