ఇటీవల బంజారాహిల్స్ రోడ్ నెంబర్ 14 లో జరిగిన ఓ ఇంటి వివాదానికి సంబంధించి వైకాపా నేత పొట్లూరి వరప్రసాద్ పై (పీవీపీ) పై అనేక ఆరోపణలు రావటం అందరికీ తెలుసు. ఏకంగా అవతలి వ్యక్తిని చాలా దారుణంగా భయబ్రాంతులకు గురి చేస్తూ బౌన్సర్లు తీసుకువచ్చి పీవీపీ కైలాష్ అనే వ్యక్తి ఇంటి దగ్గర నానా హడావిడి చేయడం ఆ వీడియో బయటకు రావడం జరిగింది. మీడియాలో కూడా ఆ వీడియో వైరల్ అయింది. ఆ తర్వాత ఆ పంచాయతీ బంజారా హిల్స్ పోలీస్ స్టేషన్ దాకా వెళ్ళటం జరిగింది.
ఇదిలా ఉండగా ఇటీవల ఆ గొడవ కి సంబంధించి పోలీసులు బాధితుడు కైలాష్ ఇచ్చిన ఫిర్యాదు మేరకు పీవీపీ పై కేసు నమోదు చేయడం జరిగింది. దీనికి సంబంధించి నోటీసులు కూడా పీవీపీ కి పంపించడం జరిగింది. అయితే నోటీసులు అందుకుని పీవీపీ పోలీస్ స్టేషన్ కి హాజరు కాకపోవటంతో స్వయంగా పోలీసులు పీవీపీని అరెస్ట్ చేయడానికి ఇంటికి వెళ్లగా…ఇంటికి వచ్చిన పోలీసుల మీదకి పీవీపీని కుక్కలను వదలడంతో…పోలీసులు భయపడి వెనుతిరిగారు.
దీంతో పీవీపీ ఈ విధంగా నిర్వాకం చేయటంతో ఎస్సై హరీష్ రెడ్డి జూబ్లీ హిల్స్ పోలీస్ స్టేషన్ లో ఫిర్యాదు చేయడంతో ఐపీసీ 353 కింద మరో కేసు నమోదైంది. స్వయంగా ఆంధ్రప్రదేశ్ అధికార పార్టీకి చెందిన వైకాపా నేత ఈ విధంగా పోలీసుల మీద కుక్కలను వదలడంతో తెలుగు మీడియా లో ఈ వార్త వైరల్ గా మారింది.