బిగ్ బాస్ హౌస్ లో ఆరో వారం బిగ్ బాస్ ఇస్తున్న టాస్క్ లు కంటెస్టెంట్ లకు పులుసు కారిపోతున్నాయి. కెప్టెన్సీ టాస్క్ కోసం ఫిజికల్ టాస్క్ లు ఓ రేంజ్ లో ఉంటున్నాయి. ఇటీవల కంటెస్టెంట్ లు తమ జీవిత కష్టాలను సినిమా స్టోరీ లో రేంజ్ లో ప్రేక్షకులకు ఇతర సభ్యులకు పంచుకుని కంట్లో నుంచి నీరు తెప్పించారు. కాగా తర్వాత బిగ్ బాస్ హౌస్ లో ఫిజికల్ టాస్క్ రూపంలో భాగంగా అబ్బాయిలకు బైక్ రేసింగ్ పోటీ పెట్టినట్లు తాజా ప్రోమో బట్టి తెలుస్తోంది.
దీనిలో సంచాలకుడిగా అభిజిత్ వ్యవహరించగా ఈ బైక్ రేసింగ్ కోసం అనేక భయంకరమైన గండాలు దాటుకుని లాస్ట్ కి బైక్ ఏకి డ్రైవ్ చేయాల్సి ఉంటుంది. ఈ క్రమంలో అఖిల్, మెహబూబ్, సోహెల్, కుమార్ సాయి ఈ టాస్క్ ఏదోవిధంగా కంప్లీట్ చేయాలని బరిలోకి దిగారు. అయితే బైక్ ఎక్కటం కోసం మధ్యలో బిగ్ బాస్ పెట్టిన పరీక్షలు చాలా కఠినంగానే ఉన్నట్లు తాజా ప్రోమో బట్టి అర్థం అవుతుంది.
అయితే ఈ టాస్క్ లో భాగంగా అవినాష్ బరిలోకి దిగి నానా కష్టాలు పడుతూ చేస్తున్న ప్రయత్నంలో ఒక్కసారిగా ఒకచోట చేతులతో దాటుకుంటూ కాళ్లు గాలిలో ఉన్న సమయంలో ఒక్కసారిగా చేతులు పట్టు కోల్పోవడం తో పడిపోవడంతో ఇంటి సభ్యులు అందరూ షాక్ అయ్యారు. మరి ఈ టాస్క్ లో ఎవరు గెలిచారు అన్నది సస్పెన్స్ గా ఉంది.
