ఒక వైపు కరోనా ప్రపంచాన్ని భయపెడుతోంది. కానీ ఈ భయం మధ్యనే అగ్రరాజ్యం అమెరికా ఒణికిపోతుంది. చిగురుటాకుల్లా విలవిల్లాడుతోంది. కరోనా ధాటికి లక్షల మంది మృత్యువాతపడుతున్నారు ఆ దేశంలో. కానీ అమెరికా పీఠం కానీ కొద్ది రోజుల్లోనే మారిపోతుంది. అగ్రరాజ్యంలో అధ్యక్ష ఎన్నికలకు ముహూర్తం సమీపిస్తోంది. మరో వంద రోజుల్లో అమెరికాలో అధ్యక్ష ఎన్నికలు జరుగనున్నాయి. ప్రపంచ వ్యాప్తంగా భిన్నమైన ఎన్నికల వ్యవస్థ ఉన్న అమెరికాలో అధ్యక్ష ఎన్నికలు ఈసారి అత్యంత ప్రతిష్టాత్మకంగా జరుగుతున్నాయి. డెమొక్రాట్ లు, రిపబ్లికన్లు హోరా హోరీగా తలపడుతున్నారు. ట్రంప్ ను ఎలాగైనా ఓడించాలని ఈ సారి బిడెన్ రంగంలోకి దిగారు. అయితే అమెరికాలో ఎంత మంది ఓటర్లు ఉన్నా రెండు పార్టీలు ఎంత మందికి వలలు వేసినా అక్కడ మన ఓట్లు మాత్రం కీలకం. మనోళ్లు ఓట్లు వేసే వల్లే గెలుస్తారు. అంత ప్రభావం అమెరికాలో మన ఇండియన్ లు సంపాదించారు.
అమెరికాలోని పలు రాష్ట్రాల్లో భారతీయ ఓటర్లు కీలకంగా ఉన్నారు. దీంతో భారతీయులను ఆకట్టుకునేందుకు రెండు ప్రధాన పార్టీలు రిపబ్లికన్ డెమోక్రాటిక్ పార్టీలు తీవ్రంగా కృషి చేస్తున్నాయి. ప్రధానంగా అరిజోనా, ఫ్లోరిడా, జార్జియా, మిచిగాన్, నార్త్ కరోలినా, పెన్సిల్వేనియా, టెక్సాస్, విస్కాన్సిన్ రాష్ట్రాల్లో భారతీయ ఓటర్లు దాదాపు 13 లక్షలకు పైగా ఉన్నారు. ఎప్పుడు డెమొక్రాట్ లకు అండగా నిలిచే భారతీయులు ఈ ఎన్నికల్లో రిపబ్లికన్ ల వైపు మొగ్గు చూపుతున్నారన్న వార్తలు వస్తున్నాయి.
డెమోక్రాటిక్ పార్టీకి భారతీయ అమెరికన్ లో అతిపెద్ద ఓటు బ్యాంకు. ఈ ఓటు బ్యాంకును కాపాడుకుని తో పాటు మరింత పెంచుకునేందుకు యత్నిస్తుండగా, డెమోక్రాట్ లకు చెక్ పెట్టేందుకు రిపబ్లికన్లు వ్యూహరచన చేస్తున్నారు. ఈ దిశగా అధ్యక్షుడు ట్రంప్ ఇప్పటికే ప్రయత్నాలు ప్రారంభించారు. భారత ప్రధాని మోదీతో ఉన్న సాహిత్యం, ఇటీవల జరిగిన నమస్తే ట్రంప్, హౌడీ మోడీ కార్యక్రమాలు ఇండో అమెరికన్ లను తనవైపుకు ముగ్గు చూపేలా చేస్తాయని ఆశాభావంతో ఉన్నారు. మరోవైపు ఇండో అమెరికన్లు కీలకంగా ఉన్న రాష్ట్రాల్లో వారిని ఆకట్టుకునేందుకు ప్రత్యేకంగా 100 మందితో కూడిన నిపుణుల బృందంతో కార్యాచరణ ప్రారంభించింది. గత ఎన్నికల్లో 77 శాతం మంది ఇండో అమెరికన్ లు డెమోక్రాటిక్ పార్టీకి ఓట్లు వేశారని, ఈసారి అది పునరావృత్తం కాదన్న ధీమాతో ఉన్నారు.
